ആ​ഗോളതലത്തിൽ ഓരോ വർഷവും പ്രമേഹ രോ​ഗികളുടെ എണ്ണം കുത്തനെ കൂടിവരുന്ന സാഹചര്യത്തിൽ രോ​ഗം വരാതെ ചെറുത്തു നിൽക്കുക എന്ന പ്രധാനമാണ്. ആരോ​ഗ്യകരമായ ജീവിതശൈലിയിലൂടെ ഒരുപരിധി വരെ നമുക്ക് ഇതിന് സാധിക്കും. എന്നാൽ പ്രമേഹമുണ്ടെന്ന് സ്ഥിരീകരിച്ചാൽ നിരാശയിലേക്ക് വീണു പോകുന്നവരും നിരവധിയാണ്. ഇഷ്ടപ്പെട്ട ഭക്ഷണങ്ങൾ കഴിക്കാൻ കഴിയില്ലല്ലോ എന്നതാണ് അതിൽ പലരുടെയും ദുഃഖം.

അത്തരം ആശങ്കകൾ ഒഴിവാക്കി ആരോ​ഗ്യകരമായ ഭക്ഷണക്രമത്തിലൂടെ പ്രമേഹത്തെ നിയന്ത്രിച്ചു നിർത്തുകയെന്നാണ് പ്രധാനം. ഇതിൽ പ്രധാനമായി ശ്രദ്ധിക്കേണ്ടത് എല്ലാ രോ​ഗികൾക്കും ആഹാരക്രമം ഒരുപോലെ ആയിരിക്കില്ല എന്നതാണ്. ഓരോ വ്യക്തിയുടെയും പ്രായം, തൂക്കം, ഉയരം, ആക്റ്റിവിറ്റി ലെവൽ, ഉപയോഗിക്കുന്ന മരുന്നുകൾ എന്നിവയുടെ അടിസ്ഥാനത്തിലാണ് ആഹാരക്രമം നിശ്ചയിക്കുന്നത്. ഇതിനായി ഒരു ഡയറ്റീഷ്യന്റെ സഹായം തേടാവുന്നതാണ്. കൃത്യമായ പരിപാലനത്തിലൂടെയും ആരോ​ഗ്യകരമായ ജീവിതശൈലി പിന്തുടരുന്നതിലൂടെയും പ്രമേഹം വരുതിയിലാക്കാം.

ഭക്ഷണം കഴിക്കാൻ കഴിയില്ലെന്ന സങ്കടം വേണ്ട

രുചിയിൽ വ്യത്യാസം വരുത്താതെ തന്നെ ആരോ​ഗ്യകര പരീക്ഷണങ്ങൾ ഭക്ഷണത്തിൽ കൊണ്ടു വരാവുന്നതാണ്. പ്രമേഹത്തിന് വളമാകുന്ന പഞ്ചസാര, ജങ്ക് ഫുഡ് എന്ന ഒഴിവാക്കണമെന്ന് മാത്രം. പ്രമേഹം രോ​ഗം സ്ഥിരീകരിച്ചാലുടൻ ഭക്ഷണത്തിൽ കടുത്ത നിയന്ത്രണം ഒറ്റയടിക്ക് കൊണ്ടു വരാതെ, ഭക്ഷണക്രമത്തിൽ സാവധാനംം വ്യത്യാസങ്ങൾ കൊണ്ടുവരാം. ഇത് രോ​ഗി ഭക്ഷണത്തോട് മടുപ്പുണ്ടാക്കില്ല.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

വെള്ളം നന്നായി കുടിക്കുക

പ്രമേഹ രോ​ഗികൾ നന്നായി വെള്ളം കുടിക്കുക എന്നത് പ്രധാനമാണ്. ശരീരത്തിൽ ജലാംശം നിലനിർത്തുന്നത് പ്രമേഹത്തെ നിയന്ത്രിക്കാനും മൊത്തത്തിലുള്ള ആരോ​ഗ്യം മെച്ചപ്പെടാനും സഹായിക്കും. കൂടാതെ മുട്ട, മുഴുവൻ ധാന്യങ്ങൾ, പയർ, പരിപ്പ്, ഇറച്ചി, മീൻ, പഴങ്ങൾ, പച്ചക്കറികൾ എന്നിവയും ഡയറ്റിൽ ഉൾപ്പെടുത്താൻ ശ്രദ്ധിക്കണം.

ആരോ​ഗ്യകരമായ ഭക്ഷണക്രമം മാത്രം പോര..,

ആരോ​ഗ്യകരമായ ഭക്ഷണക്രമം പിന്തുടർന്നു എന്നതു കൊണ്ട് മാത്രം പ്രമേഹം നിയന്ത്രിക്കാനാകില്ല. ശരീരികമായി സജീവമാകേണ്ടതും വളരെ പ്രധാനമാണ്. ഇവയോടൊപ്പം ചില ആളുകൾക്ക് മരുന്നും ആവശ്യമായി വരാറുണ്ട്.

ചോറിനെക്കാൾ ​ഗോതമ്പു കഴിക്കുന്നത് നല്ലത്?

അരിയായാലും ​ഗോതമ്പു ആയാലും അമിതമായാൽ പ്രമേഹ രോ​ഗികൾക്ക് നല്ലതല്ല. ഇവയുടെ അളവു കൂടിയാൽ രക്തത്തിലെ പഞ്ചസാരയുടെ അളവും വർധിക്കും. എന്നാൽ നിയന്ത്രിതമായ അളവുകളിൽ മുഴുധാന്യങ്ങൾ ഏത് വേണമെങ്കിലും ഉപയോഗിക്കാം. തവിടോടുകൂടിയ ഗോതമ്പാണ് നല്ലത്.