ബീജമോ അണ്ഡമോ ഉപയോഗിക്കാതെ മൂലകോശങ്ങളുപയോഗിച്ച് ലോകത്തിൽ ആദ്യമായി മനുഷ്യ സിന്തറ്റിക് ഭ്രൂണം സൃഷ്ടിച്ചെടുത്ത് ശാസ്ത്രജ്ഞർ. യു എസ്സിലേയെും ബ്രിട്ടനിലെയും ശാസ്ത്രജ്ഞരാണ് ഇതിന് പിന്നിൽ. ഗർഭമലസൽ അടക്കമുള്ള സങ്കീർണ്ണതകളെക്കുറിച്ച് സൂചന നൽകാൻ കഴിവുള്ളതാണ് ഈ കൃത്രിമ ഭ്രൂണമെന്നാണ് ശാസ്ത്രജ്ഞർ പറയുന്നത്. 

സ്റ്റം സെല്ലുകൾ ഉപയോഗിച്ച് നിർമ്മിച്ചിരിക്കുന്ന ഈ ഘടനകൾ ബീജമോ അണ്ഡമോ ഉപയോഗിക്കാതെയാണ് രൂപപ്പെടുത്തിയിട്ടുള്ളത്. മനുഷ്യവികാസത്തിന്റെ ആദ്യഘട്ടത്തിലെ ഭ്രൂണങ്ങളുമായി സാമ്യമുള്ളവയാണ് ഇവ. ഇവയ്ക്കുള്ളിൽ ഹൃദയം, മസ്തിഷ്‌കം പോലെയുള്ള അവയവങ്ങളൊന്നുമില്ല. എന്നാൽ, മറുപിള്ള (പ്ലാസന്റ), ഭ്രൂണത്തെ പൊതിഞ്ഞുസംരക്ഷിക്കുന്ന സ്തരം (യോക്ക് സാക്ക്) എന്നിവയുടെ നിർമാണ കോശങ്ങൾ ഈ സിന്തറ്റിക് ഭ്രൂണത്തിൽ രൂപപ്പെട്ടിട്ടുണ്ട്. 

പുതിയൊരു ജീവൻ സൃഷ്ടിക്കാനല്ല ഇതുവഴി ലക്ഷ്യമിടുന്നത് മറിച്ച് ജീവനെ രക്ഷിക്കാനാണ്. ഇതുസംബന്ധിച്ച് കൂടുതൽ ഗവേഷണങ്ങൾ ഗർഭകാലത്തെ ജനിതക രോഗങ്ങളെക്കുറിച്ചും ജനിതകവൈകല്യങ്ങളുണ്ടാക്കുന്ന പ്രത്യാഘാതങ്ങൾ, ഗർഭം അലസൽ തുടങ്ങിയവയ്ക്ക് പിന്നിലെ കാരണങ്ങൾ കൂടുതൽ വ്യക്തതയോടെ മനസ്സിലാക്കാൻ സഹായിക്കുമെന്നാണ് കരുതുന്നത്.

ഈ വാർത്ത കൂടി വായിക്കൂ

ചീത്ത കൊളസ്ട്രോൾ ഒരുപാട് കുറഞ്ഞാലും കുഴപ്പമാണ്; ഹൃദയാഘാത, പക്ഷാഘാത സാധ്യത കൂട്ടും 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി  ക്ലിക്ക് ചെയ്യൂ