തലയോട്ടിയിലും മുടിയിഴകളിലും പറ്റിപ്പിടിച്ചിരിക്കുന്ന അഴുക്കും ചെളിയും നീക്കം ചെയ്യാൻ ആഴ്ചയിൽ രണ്ട് തവണയെങ്കിലും ഷാംപൂ വാഷ് ചെയ്യണം. എന്നാൽ കെമിക്കലുകൾ നിറഞ്ഞ ഷാംപൂ സ്ഥിരം ഉപയോ​ഗിക്കുന്നത് മുടിയുടെ കനം കുറയ്ക്കാനും ഘടന മാറ്റാനും കാരണമാകും. പ്രകൃതിദത്തമായ ചേരുവകൾ ഉപയോ​ഗിച്ച് വീട്ടിൽ തന്നെ തയ്യാറാക്കാവുന്ന ഒരു ഷാംപൂ പരീക്ഷിച്ചാലോ?

ഉലുവ, ചെമ്പരത്തി (hibiscus flower), സോപ്പ് നട്സ്, വിറ്റാമിന്‍ ഇ കാപ്സൂള്‍ ഇത്രയും ഉണ്ടെങ്കില്‍ നാച്ചുറള്‍ ഷാംപൂ വീട്ടില്‍ തയ്യാറാക്കാം.

ചെമ്പരത്തി ഷാംപൂ ഉണ്ടാക്കുന്ന വിധം

• ഉലുവ തലേന്ന് കുതിര്‍ത്തു വയ്ക്കുക.

• അടുത്ത ദിവസം അതിലേക്ക് ചുവന്ന ചെമ്പരത്തിപ്പൂവിന്റെ ഇതളുകളും സോപ്പ് നട്‌സും ചേര്‍ക്കുക.

• ശേഷം തിളപ്പിക്കുക. തിളപ്പിച്ച ശേഷം ഈ മിശ്രിതം അരിച്ചെടുക്കാം.

• അതിലേക്ക് അല്‍പം നാരങ്ങ നീര് ചേര്‍ക്കാം. ഒരു വിറ്റാമിന്‍ ഇ ക്യാപ്‌സൂള്‍ പൊട്ടിച്ചൊഴിച്ച് ഇളക്കി യോജിപ്പിക്കുക.

• ഇത് രണ്ട് ആഴ്ച വരെ ഫ്രിഡ്ജില്‍ വെച്ച് ഉപയോഗിക്കാവുന്നതാണ്.

• ഇത് മുടിയിഴകളെ ബലമുള്ളതും തിളക്കമുള്ളതുമാക്കാന്‍ സഹായിക്കും.