ചൂടു കനത്തതോടെ വെയിലേറ്റ് ചർമത്തിലുണ്ടാകുന്ന ടാൻ പലരുടെയും വലിയ പ്രശ്നമാണ്. സ്കാർഫ് ഉപയോ​ഗിച്ച് എത്ര മൂടി പുതച്ചാലും സൺസ്ക്രീൻ പുരട്ടിയാലും പലപ്പോഴും കാര്യമുണ്ടാകില്ല. എന്നാൽ പരിഹാരം നമ്മുടെ അടുക്കളയിൽ തന്നെയുണ്ട്. മുഖത്തെ കരുവാളിപ്പ്, മുഖക്കുരു, കണ്ണിന് ചുറ്റുമുള്ള കറുപ്പ് എന്നിവ മാറാൻ ഏറ്റവും മികച്ച മാർ​ഗമാണ് തൈര്. ആഴ്ചയിൽ രണ്ടോ മൂന്നോ തവണ തെെര് കൊണ്ടുള്ള പാക്കുകൾ മുഖത്ത് പരീ​ക്ഷിക്കുന്നത് ​ഗുണകരമാണ്.

തൈരിൽ വിറ്റമിൻ ഡി, പ്രോബയോട്ടിക്സ്, പ്രോട്ടീൻ, ധാതുക്കൾ എന്നിവ അടങ്ങിയിട്ടുണ്ട്. ഇത് ചർമത്തിൻ്റെ ആരോഗ്യം മെച്ചപ്പെടുത്താൻ സഹായിക്കും. ഇവ ചർമത്തിൽ ജലാംശം നിലനിർത്തി, അവശ്യ പോഷണം നൽകും. കൂടാതെ തൈരുകൊണ്ടുള്ള പാക്ക് പതിവായി ഉപയോ​ഗിക്കുന്നത് ചർമത്തിന്റെ നിറം വർധിച്ച് ചർമം തിളക്കമുള്ളതും യുവത്വമുള്ളതുമാക്കും.

Hypercalcemia | രക്തത്തില്‍ കാത്സ്യം അടിഞ്ഞുകൂടുന്ന അപൂര്‍വ അവസ്ഥ, എന്താണ് ഹൈപ്പര്‍കാല്‍സെമിയ?

തൈരു കൊണ്ടുള്ള ഫെയ്സ് പാക്ക്

ഒരു ടേബിൾ സ്പൂൺ കടല മാവ്, രണ്ട് ടേബിൾസ്പൂൺ തൈര് എന്നിവ യോജിപ്പിക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക. ഉണങ്ങിയതിനു ശേഷം കഴുകിക്കളയുക. മുഖത്തെ ടാൻ മാറാൻ ഈ പാക്ക് ഫലപ്രദമാണ്.

ഒരു ടേബിൽ സ്പൂൺ തെെരും അൽപം കറ്റാർവാഴ ജെല്ലും നന്നായി യോജിപ്പിച്ച് മുഖത്തും കഴുത്തിലുമായി പുരട്ടുക. ഈ പാക്ക് മുഖത്തെ ടാൻ മികച്ച പാക്കാണ്. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാവുന്നതാണ്. മുഖത്ത് കറ്റാർവാഴ ഉപയോഗിക്കുന്നത് വരൾച്ച മൂലമുണ്ടാകുന്ന വീക്കവും ചുവപ്പും കുറയ്ക്കാനും കൊളാജൻ ഉത്പാദനം വേഗത്തിലാക്കാനും സഹായിക്കുന്നു.