നിങ്ങള്‍ക്ക് മൈഗ്രേനുണ്ടോ? ഒപ്പം തന്നെ കണ്ണ് ഡ്രൈ ആകുന്നുണ്ടോ? തികച്ചും സ്വാഭാവികം. ഈ രണ്ട് രോഗാവസ്ഥകളും തമ്മില്‍ ബന്ധമുണ്ട്. മൈഗ്രേന്‍ ഉള്ളവരില്‍ ഡ്രൈ ഐ രോഗത്തിനുള്ള സാധ്യത കൂടുതലെന്നാണ് പുതിയ പഠനങ്ങളില്‍ തെളിഞ്ഞിട്ടുള്ളത്. 

കണ്ണിനുള്ളിലെ ദ്രവങ്ങള്‍ ശരിയായ രീതിയില്‍ ഉല്‍പ്പാദിപ്പിക്കപ്പെടാതെ വരികയും, കണ്ണുകള്‍ വരണ്ടുപോകുന്ന അവസ്ഥയിലെത്തുകയും ചെയ്യുന്ന അസുഖമാണ് കണ്ണ് ഡ്രൈ ആകുന്നത്. മൈഗ്രേന്‍ ഉള്ള 65 വയസ്സില്‍ കൂടുതല്‍ പ്രായമുള്ളവരില്‍ കണ്ണ് ഡ്രൈ ആകുന്ന രോഗം എളുപ്പത്തിലുണ്ടാവുമെന്നാണ് കണ്ടെത്തല്‍. പ്രായമേറിയ സ്ത്രീകളിലാണ് പ്രത്യേകിച്ചും മൈഗ്രേനും ഡ്രൈ ഐയും തമ്മില്‍ കൂടുതല്‍ ബന്ധപ്പെട്ടു കിടക്കുന്നതായി ഗവേഷകര്‍ കണ്ടെത്തിയത്. 

ഹോര്‍മോണ്‍ വ്യതിയാനങ്ങള്‍ കൂടുതലും നടക്കുന്നത് സ്ത്രീകളിലായതിനാലാണ് സ്ത്രീകള്‍ളില്‍ ഇവ രണ്ടും ഒന്നിച്ച് കാണപ്പെടുന്നത്. 73,000 ആളുകളിലാണ് പഠനങ്ങള്‍ നടത്തിയത്. ഇതില്‍ മൈഗ്രേന്‍ ഉള്ളവരില്‍ 834 ശതമാനം പേരും ഡ്രൈ ഐ അസുഖമുള്ളവരുമാണെന്ന് കണ്ടെത്തി. വരണ്ട കണ്‍പോളകള്‍ മൈഗ്രേനു കാരണമാകുന്ന കോശങ്ങളെ ഉത്തേജിപ്പിക്കുമെന്നും പഠനത്തില്‍ നിന്നും ഗവേഷകര്‍ മനസിലാക്കി.