ബക്രീദ് ആഘോഷം കെങ്കേമമാക്കാനുള്ള ഒരുക്കത്തിലാണ് എല്ലാവരും. സൗഹൃദവും സ്നേഹവുമൊക്കെ നിറഞ്ഞുനില്ക്കുന്ന ആഘോഷദിവസത്തില് ഭക്ഷണത്തിനും വലിയ പ്രാധാന്യമുണ്ട്. വിഭവസമൃദ്ധമായ വിരുന്നൊരുക്കുന്നതിനൊപ്പം പതിവില് നിന്ന് വ്യത്യാസമുള്ള ഒരു പരീക്ഷണവും ആയാലോ?
ക്ലാസിക് ഇറ്റാലിയന് വിഭവത്തിന് ഒരു ട്വിസ്റ്റ് നല്കി തയ്യാറാക്കുന്ന വിഭവമാണ് ടീ ചിക്കന് പിക്കാറ്റാസ്. മൃദുവായ ചിക്കന് ഉപയോഗിച്ചുണ്ടാക്കുന്ന കട്ട്ലറ്റുകളും ടീ ഇന്ഫ്യൂസ്ഡ് സോസും ചേര്ന്നുള്ള ഈ വിഭവം വിരുന്ന് മേശയില് തിളങ്ങുമെന്നുറപ്പ്. ചിക്കന് കട്ലറ്റിനേക്കാള് സോസാണ് ഈ വിഭവത്തിലെ താരം. തെയ്ലയും നാരങ്ങാനീരും ചേര്ത്ത് തയ്യാറാക്കുന്ന സോസ് ചിക്കന് മുകളിലേക്കായി ഒഴിച്ചാണ് ഇത് വിളമ്പുന്നത്. ചോറ്, പാസ്ത തുടങ്ങിയവയ്ക്കൊപ്പം ഇത് വിളമ്പാം.
ചേരുവകള്
2 ടേബിള്സ്പൂണ് മൈദ
1 ടേബിള്സ്പൂണ് കുരുമുളക് പൊടിച്ചത്.
1/4 ടേബിള്സ്പൂണ് ഉപ്പ്
നന്നായി പൊടിച്ചെടുത്ത തെയ്ല
അരക്കിലോ തൊലി കളഞ്ഞ ബോണ്ലെസ് ചിക്കന് ബ്രെസ്റ്റ്
2 ടേബിള്സ്പൂണ് ഒലിവ് ഓയില്
രണ്ട് നാരങ്ങയുടെ നീര്
രണ്ട് മുട്ട
അരക്കപ്പ് വൈറ്റ് വൈന്
തയ്യാറാക്കുന്ന വിധം
മൈദ, കുരുമുളക്, ഉപ്പ്, തെയ്ല എന്നിവ നന്നായി മിക്സ് ചെയ്യണം. ഇതിനെ ഒരു പ്ലാസ്റ്റിക് കവറിലാക്കണം. കവറിലേക്ക് ചിക്കന് ഇട്ട് നന്നായി അടച്ചശേഷം മാവ് നന്നായി ചിക്കനില് പൊതിഞ്ഞെടുക്കണം. ഇനി, ഒരു പാനില് ഒലിവ് ഓയില് ഒഴിച്ച് ചൂടാക്കിയശേഷം ചിക്കന് ഇതിലേക്ക് വച്ച് ഇരുവശവും ബ്രൗണ് നിറമാകുന്നതുവരെ വേവിക്കണം. രണ്ട് വശവും ഏകദേശം മൂന്ന് മിനിറ്റ് വരെ ചൂടാക്കാം. അതിനുശേഷം ചിക്കന് മാറ്റി മിച്ചമുള്ള എണ്ണ തുടച്ചുകളഞ്ഞതിന് ശേഷം പാനിലേക്ക് നാരങ്ങാനീരും വൈറ്റ് വൈനും ചേര്ക്കാം. സോസിന്റെ അളവ് പകുതിയായി കുറയുന്നതുവരെ ചൂടാക്കണം. അതിനുശേഷം ചിക്കന് വീണ്ടും പാനിലേക്കിച്ച് അഞ്ച് മിനിറ്റ് ചെറു തീയില് ചൂടാക്കാം. സംഗതി റെഡി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates