ടാസ്മാനിയ : പാറക്കൂട്ടങ്ങള്‍ക്കിടയിലെ ചതുപ്പില്‍ കുടുങ്ങിപ്പോയ സ്രാവിന്റെ കുഞ്ഞിന്റെ രക്ഷകയായി 11 കാരി. ബില്ലി റിയ എന്ന കൗമാരക്കാരിയാണ് സ്രാവിനെ രക്ഷിച്ച് ആഴക്കടലിലേക്ക് വിട്ടത്. 

ടാസ്മാനിയയിലെ കിംഗ്സ്റ്റണ്‍ ബീച്ചിന് സമീപമാണ് സംഭവം. പാറക്കൂട്ടത്തിലെ ചതുപ്പില്‍ കുടുങ്ങിപ്പോയ സ്രാവിന്റെ കുഞ്ഞ് ബില്ലിയുടെ ശ്രദ്ധയില്‍പ്പെടുകയായിരുന്നു. 

ഉടന്‍ തന്നെ വിവരം ഒപ്പമുണ്ടായിരുന്ന അമ്മയെ അറിയിച്ചു. തുടര്‍ന്ന് ബില്ലി ഈ സ്രാവിനെ കയ്യിലെടുത്ത് ജലാശയത്തിലേക്ക് വിടുകയായിരുന്നു. ഇതിന്റെ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലായി മാറിയിരിക്കുകയാണ്.