പാമ്പുമായി ബന്ധപ്പെട്ട് നിരവധി വീഡിയോകളാണ് ഓരോ ദിവസവും പുറത്തുവരുന്നത്. ഇപ്പോള്‍ വീട്ടില്‍ എത്തിയ മൂര്‍ഖന്‍ പാമ്പുമായി പൂച്ച ഏറ്റുമുട്ടുന്ന ദൃശ്യങ്ങളാണ് വൈറലാകുന്നത്.

ഇന്‍സ്റ്റഗ്രാമിലാണ് വീഡിയോ പങ്കുവെച്ചിരിക്കുന്നത്. വീടിന്റെ പരിസരത്ത് മൂര്‍ഖന്‍ പാമ്പ് എത്തിയപ്പോള്‍ കുടുംബാംഗങ്ങള്‍ ഭയന്ന് വീട്ടിനകത്തേയ്ക്ക് പിന്മാറി. ഈ സമയത്താണ് പാമ്പുമായി 'ഒരുകൈ' നോക്കാന്‍ പൂച്ച തയ്യാറായത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പാമ്പിനെ പൂച്ച ആക്രമിക്കാന്‍ ശ്രമിക്കുന്നതും തിരിച്ച് മൂര്‍ഖന്‍ പത്തി വിടര്‍ത്തി കൊത്താന്‍ ശ്രമിക്കുന്നതുമാണ് വീഡിയോയിലുള്ളത്. പാമ്പ് കൊത്താന്‍ ശ്രമിക്കുമ്പോള്‍ പൂച്ച അതിവിദഗ്ധമായി രക്ഷപ്പെടുന്നതും വീഡിയോയില്‍ കാണാം. ഒടുവില്‍ വീട്ടുകാര്‍ തന്നെ പാമ്പിനെ പിടികൂടുന്നിടത്താണ് വീഡിയോ അവസാനിക്കുന്നത്.