കൗതുകം കൊണ്ട് ചിരിപ്പിക്കുന്ന നിരവധി വിഡിയോകൾ സോഷ്യൽമീഡിയയിൽ പലപ്പോഴും വൈറലാകാറുണ്ട്. അത്തരത്തിൽ ഒന്നാണ് ഇപ്പോൾ സോഷ്യൽമീഡിയയിൽ നിറഞ്ഞു നിൽക്കുന്നത്. ഉറങ്ങിക്കിടക്കുന്ന സുഹൃത്തിനെ തൊടാൻ വരുന്ന പൂച്ചയെ പേടിപ്പിക്കുന്ന നായക്കുട്ടി, ഇവർക്കിടയിലെ ചെറിയ ഫൈറ്റ് സീൻ ആണ് വിഡിയോയിൽ.

നിലത്ത് ചുരുണ്ടുകൂടി കിടന്നുറങ്ങുന്ന സുഹൃത്തിനെ തൊട്ടു നോക്കാൻ വരുന്ന പൂച്ച, അങ്ങനെ എന്റെ കുട്ടുകാരനെ തൊട്ട് നീ കളിക്കണ്ട എന്ന മട്ടിൽ കാവൽ നിൽക്കുകയാണ് നായക്കുട്ടി. പൂച്ച കൈ കൊണ്ടു വരുമ്പോഴേക്കും നായക്കുട്ടി ചാടി വീണു. പെട്ടന്ന് പൂച്ച കൈ വലിച്ചു. വീണ്ടും ആവർത്തിച്ചപ്പോൾ നായക്കുട്ടി ചാടി സോഫയിൽ കയറി. പണി പാളുമെന്നായപ്പോൾ പൂച്ച പതിയെ ശ്രമം ഉപേക്ഷിച്ച് നിലച്ചു കിടന്നു. ഇതാണ് വീഡിയോ.

യോ​ഗ് എന്ന ട്വിറ്റർ പേജിലൂടെ പങ്കുവെച്ച വിഡിയോ ഇതിനോടകം ലക്ഷക്കണക്കിന് ആളുകൾ കണ്ടു. വിഡിയോ കണ്ട് ചിരി നിർത്താൻ കഴിയുന്നില്ലെന്നാണ് പലരും കമന്റു ചെയ്‌തത്. 'ബേസ്റ്റ് ബോഡി​ഗാർഡ്' എന്നാണ് സോഷ്യൽമീഡിയ നായക്കുട്ടിയെ പ്രശംസിക്കുന്നത്. വിഡിയോയിലെ ഫൈറ്റ് രംഗങ്ങൾക്ക് സംഭാഷണം വരെ ചിലർ ഒരുക്കിയിട്ടുണ്ട്. 

ഈ വാര്‍ത്ത കൂടി വായിക്കൂ

ചൂടു സഹിക്കാൻ വയ്യ!; സോഷ്യൽമീഡിയയിൽ തരം​ഗമായി ഫാൻ ഘടിപ്പിച്ച ജപ്പാൻ ജാക്കറ്റ്

ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ