ഓരോ ദിവസവും അമ്പരപ്പിക്കുന്ന ഡിസൈനുകളാണ് ഫാഷൻ ലോകത്ത് പ്രത്യക്ഷപ്പെടുന്നത്. ഈ നിരയിലേക്ക് ഇതാ ഒരു സാന്‍ഡ്‌വിച്ച് ഷൂവും എത്തിയിരിക്കുന്നു. നെറ്റിചുളിക്കണ്ട ഒറിജിനൽ സാന്‍ഡ്‌വിച്ചിനോട് നീതി പുലർത്തി തന്നെയാണ് ഷൂ ഡിസൈൻ ചെയ്തിരിക്കുന്നത്. 

ബ്രൗൺ ബ്രഡ്ഡിനകത്ത് സവോളയും ലെറ്റസും സലാമിയും ഫിൽ ചെയ്തിരിക്കുന്ന മാതൃകയിലാണ് ഷൂ. ഇവയെല്ലാം വീഗൻ ലെതറിലാണ് നിർമ്മിച്ചിരിക്കുന്നത്. ഈ വെറൈറ്റി ഷൂ നിരവധി പേരുടെ പ്രീതി പിടിച്ചുപറ്റിയപ്പോൾ ചിലരൊക്കെ 'നോ' എന്നാണ് പ്രതികരിച്ചത്. ഒരു ജീവിതമേ ഒള്ളു അത് അടിച്ചുപൊളിക്കണം കുറച്ചി ഡിഫറന്റ് ആയിരിക്കണം എന്നെല്ലാമാണ് ഷൂ ഇഷ്ടപ്പെട്ടവർക്ക് പറയാനുള്ളത്. 

ഏകദേശം 7300രൂപയാണ് ഈ ഷൂവിന്റെ വില. ഡൂൾ സ്കിൽ എന്ന പേജിലാണ് ഷൂവിന്റെ ഫോട്ടോ പ്രത്യക്ഷപ്പെട്ടത്.