വിവാഹത്തിന് പല വെറൈറ്റികൾ പിടിക്കാനും നമ്മള്‍ ശ്രദ്ധിക്കാറുണ്ട്. അത്തരത്തിൽ വിവാഹ വസ്ത്രത്തിൽ ചെയ്‌ത ഒരു വെറൈറ്റി ഐഡിയ ആണ് ഇപ്പോൾ സോഷ്യൽമീഡിയയിൽ മിന്നിത്തിളങ്ങുന്നത്. എൽഇഡി ലൈറ്റുകൾ പിടിപ്പിച്ച നല്ല സ്റ്റൈലൻ ലഹങ്കയാണ് ആ പുത്തൻ ആശയം. എവിടെയാണെങ്കിലും ഭാര്യ തിളങ്ങി നിൽക്കണമെന്ന ആ​ഗ്രഹത്തിൽ വരൻ‌ വധുവിനു സമ്മാനിച്ചാണ് ലഹങ്ക. 

മഞ്ഞയിൽ പിങ്ക് നിറത്തിൽ അതിമനോഹരമായി എംബ്രോയ്ഡറി ചെയ്ത ലഹങ്കൽ പല ഭാ​ഗങ്ങളിലായി എൽഇഡി പിടിപ്പിച്ചിരിക്കുന്നു. ബീറ്റിന് അനുസരിച്ച് ഡാൻസ് ചെയ്യുന്നപോലെ ലൈറ്റുകളും മിന്നി മാറുന്നുണ്ട്. പാകിസ്ഥാൻ ദമ്പതികളുടെ കല്യാണത്തിന് എത്തിയവരുടെ കണ്ണുകളും ലഹങ്ക ഒന്നു മിന്നിയിട്ടുണ്ടാവും.

കളിയാക്കൽ ഭയന്നിരുന്നെങ്കിലും ഭർത്താവ് ഡിസൈൻ ചെയ്‌ത ലഹങ്ക അഭിമാനത്തോടെയാണ് ചടങ്ങിൽ ധരിച്ചതെന്ന് റെഹാബ് വിഡിയോ പങ്കുവെച്ചു കൊണ്ട് പറഞ്ഞു. ഇന്‍സ്റ്റഗ്രാം പേജില്‍ പങ്കുവെച്ച ചിത്രങ്ങളും വിഡിയോയും ഇതിനോടകം വൈറലായിക്കഴിഞ്ഞു. ഭർത്താവിന്റെ  വ്യത്യസ്തമായ ഈ ആശയത്തിനെ പ്രശംസിച്ച് നിരവധി ആളുകളാണ് കമന്റ് ബോക്‌സില്‍ അഭിപ്രായം പറയാനെത്തിയത്. 'കറണ്ട് പോയാലും സാരമില്ല ലഹങ്കയുണ്ടെല്ലോ' എന്നായിരുന്നു ഒരാളുടെ കമന്റ്. ഭാര്യയെ ഇത്രമാത്രം സ്നേഹിക്കുന്ന ഭർത്താവിനെ പ്രശംസിച്ചും കമന്റുകൾ വന്നു. 

ഈ വാര്‍ത്ത കൂടി വായിക്കൂ 

കേക്ക് അടിപൊളിയാക്കണോ? ഈ ഏഴ് ചേരുവകള്‍ പരീക്ഷിക്കാം 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ