വിമാനത്തിനുള്ളിൽ ബഹളം വെച്ച യാത്രക്കാരനെ പുറത്താക്കി അമേരിക്കൻ എയർലൈൻസ്. വിമാനം പുറപ്പെടുന്നതിന് മുൻപ് യാത്രക്കാരെ ബോർഡിങ് ചെയ്യുന്നതിനിടെയാണ് സംഭവം. സീറ്റിന് മുകളിലെ സ്റ്റോറേജ് കമ്പാര്‍ട്ടുമെന്റുകളിലെ സ്ഥലപരിമിതിയെ ചൊല്ലിയാണ് തർക്കം തുടങ്ങിയത്. അടുത്തിരിക്കുന്ന യാത്രക്കാരൻ ല​ഗേജ് വെച്ചതിന് തുടർന്ന് തന്റെ ല​ഗേജ് വെക്കാൻ സ്ഥലം കിട്ടിയില്ലെന്നാണ് ആരോപിച്ചായിരുന്നു യാത്രക്കാരൻ ബഹളമുണ്ടാക്കിയത്.

ഇതേതുടർന്ന് ഇയാൾ തൊട്ടടുത്തിരുന്ന യാത്രക്കാരനെ അസഭ്യം പറയുകയും വംശീയമായി അധിക്ഷേപിക്കുകയും ചെയ്‌തു. പ്രശ്‌നം പരിഹരിക്കാനെത്തിയ ജീവനക്കാരനോടും ഇയാൾ മോശമായി പെരുമാറിയതോടെയാണ് ഇയാളെ ഇറക്കിവിട്ട ശേഷം വിമാനം യാത്ര തുടങ്ങിയത്. 

Guy freaks out over overhead storage on flight and gets himself kicked off plane
by u/Cool_Disaster2484 in PublicFreakout

ഇയാൾ വിമാനത്തിൽ ബഹളമുണ്ടാക്കി ഇറങ്ങിപ്പോകുന്നതിന്റെ വിഡിയോ സോഷ്യൽമീഡിയയിൽ ഇപ്പോൾ വ്യാപകമായി പ്രചരിക്കുന്നുണ്ട്. എന്നാൽ ഇയാൾ ഇറങ്ങുമ്പോൾ സ്റ്റോറേജ് കമ്പാർട്ടുമെന്റിൽ നിന്നും രണ്ട് ബാ​ഗ് എടുക്കുന്നതും വിഡിയോയിൽ കാണാം. നിരവധി ആളുകളാണ് യാത്രക്കാരനെ വിമർശിച്ച് കമന്റ് ചെയ്തത്. 

ഈ വാര്‍ത്ത കൂടി വായിക്കൂ 

രാജവെമ്പാലയെ പിടിച്ച് കറിവെച്ച് പ്ലേറ്റിലാക്കി; തായ് വിഭവം സോഷ്യൽമീഡിയയിലും ഹിറ്റ്- വിഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ