ഹോട്ടലുകൾ ഭക്ഷണം വിളംബുന്നതിന് മുൻപ് ​ഗ്ലാസോ പ്ലേറ്റോ എപ്പോഴെങ്കിലും മണപ്പിച്ചിട്ടുണ്ടോ? പലപ്പോഴും അവയ്ക്ക് ചീഞ്ഞ മുട്ടയുടെ മണമുണ്ടാകുമെന്നാണ് ആളുകൾ പരാതിപ്പെടാറുണ്ട്. എന്നാൽ ഉപയോ​ഗിക്കുന്നതിന് മുമ്പ് വെള്ളമൊഴിച്ച് വൃത്തിയാക്കിയാലും ഈ മണം നീണ്ടു നിൽക്കും.

​ഗ്ലാസ് കഴുകി കമഴ്ത്തി വയ്ക്കുമ്പോൾ അതിനുള്ളിൽ തിങ്ങിനിൽക്കുന്ന മോശം വായു കാരണമാണ് ​ദുർ​ഗന്ധമുണ്ടാകുന്നത്. ഉപയോഗ ശേഷം കഴുകിയ ഗ്ലാസ് തലകീഴായി വയ്ക്കുമ്പോൾ ഈർപ്പം നിറഞ്ഞ വായു മണിക്കൂറോളം കെട്ടിനിൽക്കുന്നു. ഇത് ഗ്ലാസുകളിൽ ബാക്ടീരിയകൾ പെരുകാൻ സാധ്യതയേറെയാണ്.

അങ്ങനെയുണ്ടാകുന്ന ബാക്ടീരിയകളാണ് സൽഫർ സംയുക്തകളെ ഉൽപ്പാദിപ്പിക്കുന്നത്. അതാണ് ചീഞ്ഞ മുട്ടയുടെ ഗന്ധമുണ്ടാക്കുന്നത്. ഇത് ആരോ​ഗ്യത്തെ ബാധിക്കാം. ​ഗ്ലാസുകൾ തലകീഴായി വയ്ക്കുമ്പോൾ അവയിൽ വായുസഞ്ചാരും ഉണ്ടാകുന്നുവെന്ന് ഉറപ്പാക്കുകയാണ് പ്രധാനം.

മറ്റുകാരണങ്ങൾ

• വൃത്തികെട്ടതോ മോശമായതോ ആയ ഡിഷ്‌വാഷറുകൾ ഉപയോഗിക്കുന്നത്.

• മലിനമായ ജലത്തിൽ വീണ്ടും വീണ്ടും പാത്രങ്ങൾ കഴുകുന്നത്.

• വൃത്തിയാക്കിയ പാത്രങ്ങൾ മലിനമായ സ്ഥലത്ത് ശേഖരിച്ചുവയ്ക്കുന്നത്.