കിടിലന്‍ ബിരിയാണി മുന്നില്‍ കിട്ടിയാല്‍ ആരുടെയും വയറും മനസ്സും നിറയും. ചിലരുടെ ബിരിയാണിക്ക് ഒരു പ്രത്യേക രുചിയും ഫീലും ഒക്കെയായിരിക്കും. അങ്ങനെ നിങ്ങള്‍ക്കും സ്വന്തം ബിരിയാണിക്ക് ഒരു സ്‌പെഷ്യല്‍ ടച്ച് നല്‍കണമെങ്കില്‍ ബിരിയാണി മസാല സ്വന്തമായി തയ്യാറാക്കിയെടുക്കുന്നതാണ് ഏറ്റവും നല്ലത്.
മാര്‍ക്കറ്റില്‍ വാങ്ങാന്‍ കിട്ടുന്ന ബിരിയാണി മസാലയിട്ട് ആര് ബിരിയാണി വച്ചാലും അതില്‍ പ്രത്യേകത ഒന്നും തോന്നില്ല. പക്ഷെ സ്വയം തയ്യാറാക്കിയെടുത്തതാണെങ്കില്‍ അതില്‍ നിങ്ങളുടെ ഇഷ്ടമുള്ള രുചികളുടെ ഒരു കിക്ക് കിട്ടുമെന്നുറപ്പ്. കിടിലന്‍ ബിരിയാണി മസാല വീട്ടില്‍ തയ്യാറാക്കാന്‍ ഇതാ ചില ടിപ്‌സ്...
ജീരകം, മല്ലി, കുരുമുളക്, ഏലക്ക, ഗ്രാമ്പു, കറിവപ്പട്ട, ജാതിക്ക, തക്കോലം, പെരുംജീരകം, വറ്റല്‍മുളക് എന്നിങ്ങനെ നീളം മസാലയിലെ ചേരുവകള്‍. ചിലര്‍ മല്ലിയിലയും കസൂരി മേത്തിയും കുങ്കുമപ്പൂവുമെല്ലാം ചേര്‍ക്കാറുണ്ട്. ചേരുവകളുടെയെല്ലാം ഗുണനിലവാരം ബിരിയാണിയുടെ രുചിയിലും നിഴലിക്കും.
മസാല പെര്‍ഫെക്ടായി കിട്ടണമെങ്കില്‍ പൊടിച്ചെടുക്കുന്നതിന് മുമ്പ് ചെറുതായി ഒന്ന് ചൂടാക്കുന്നത് നല്ലതാണ്. ഇത് മസാലയ്ക്ക് ഗംഭീര മണവും രുചിയും തരുമെന്നുറപ്പ്. അളവുകളെല്ലാം കൃത്യമാക്കാന്‍ ശ്രദ്ധിക്കണം. നിങ്ങളുടെ ഇഷ്ടമനുസരിച്ചാണ് അളവുകള്‍ ക്രമീകരിക്കേണ്ടത്. ഇതാണ് ഓരോ മസാലയ്ക്കും വ്യത്യസ്ത രുചി നല്‍കുന്നത്, ബിരിയാണിയിലെ വ്യത്യസ്തതയ്ക്ക് കാരണവും ഇതുതന്നെ.
ഒരുപാട് മസാല ഒന്നിച്ചുണ്ടാക്കുന്നതിനേക്കാള്‍ നല്ലത് ചെറിയ അളവില്‍ തയ്യാറാക്കിവയ്ക്കുന്നതാണ്. പൊടിച്ച അവസ്ഥയില്‍ അധികനാള്‍ സൂക്ഷിച്ചാല്‍ മസാലയുടെ ഫ്രഷ്‌നസ് നഷ്ടപ്പെടും. ഇത് രുചിയെ ബാധിക്കുകയും ചെയ്യും അതുകൊണ്ട് ചെറിയ അളവില്‍ തയ്യാറാക്കാം. പൊടിച്ചെടുത്ത മസാല ശരിയായി സ്റ്റോര്‍ ചെയ്യാനും മറക്കരുത്. വായൂ കടക്കാത്ത പാത്രത്തില്‍ ശരിയായി അടച്ചുവേണം സൂക്ഷിക്കാന്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates