ലോകത്തിലെ ഏറ്റവും ശക്തമായ പാസ്‌പോർട്ട് ഏത് രാജ്യത്തിന്റേതാണെന്ന് അറിയാമോ? ഇക്കാര്യത്തിൽ ജപ്പാനെ മറികടന്ന് മുന്നിലെത്തിയിരിക്കുകയാണ് സിം​ഗപ്പൂർ. 192 ആഗോള ലക്ഷ്യസ്ഥാനങ്ങളിലേക്ക് വിസ രഹിത പ്രവേശനം അനുവദിക്കുന്നതാണ് സിംഗപ്പൂർ പാസ്‌പോർട്ട്. ലണ്ടൻ ആസ്ഥാനമായുള്ള ഇമിഗ്രേഷൻ കൺസൾട്ടൻസി ഹെൻലിയുടെ ഏറ്റവും പുതിയ പാസ്‌പോർട്ട് സൂചികയിലാണ് സിം​ഗപ്പൂർ ഒന്നാമതെത്തിയത്.

കഴിഞ്ഞ അഞ്ച് വർഷമായി ഒന്നാം സ്ഥാനത്തുണ്ടായിരുന്ന ജപ്പാൻ ഇപ്പോൾ മൂന്നാമതാണ്. ജപ്പാൻ പാസ്പോർട്ടിൽ വിസയില്ലാതെ പ്രവേശിക്കാൻ അനുമതിയുള്ള സ്ഥലങ്ങൾ കുറഞ്ഞതാണ് സ്ഥാനമിടിയാൻ കാരണം. ജർമനി, ഇറ്റലി, സ്‌പെയിൻ എന്നീ യൂറോപ്യൻ രാജ്യങ്ങളാണ് രണ്ടാം സ്ഥാനത്ത്. പട്ടികയിൽ ഏറ്റവും അവസാന സ്ഥാനത്തുള്ളത് അഫ്ഗാനിസ്ഥാനാണ്. വെറും 27 സ്ഥലങ്ങളിലേക്കാണ് അഫ്ഗാൻ പാസ്‌പോർട്ടുമായി വിസ രഹിത പ്രവേശനമുള്ളത്. 

10 വർഷം മുൻപ് യു എസ് ആയിരുന്നു പട്ടികയിൽ ആദ്യ സ്ഥാനത്തുണ്ടായിരുന്നത്. ഈ വർഷം രണ്ട് സ്ഥാനങ്ങൾ കൂടി കുറഞ്ഞ് എട്ടാമതാണ് യു എസ്. യു കെ രണ്ട് സ്ഥാനങ്ങൾ മെച്ചപ്പെടുത്തി നാലാം സ്ഥാനത്താണ്. 

ഈ വാര്‍ത്ത കൂടി വായിക്കൂ 

'പുറത്ത് 50 രൂപ എയർപോർട്ടിൽ കയറിയപ്പോൾ 193 രൂപ!'; മാ​ഗി ന്യൂഡിൽസിന്റെ വില കേട്ട് ഞെട്ടി സോഷ്യൽമീഡിയ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ