സർപ്രൈസ് എല്ലാവർക്കും ഇഷ്ടമാണ്, പ്രത്യേകിച്ച് പ്രിയപ്പെട്ടവർ നൽകുന്നവ. ഇപ്പോഴിതാ ഒരു അമ്മയ്ക്ക് മകൻ നൽകിയ സർപ്രൈസിന്റെ വിഡിയോയാണ് സോഷ്യൽ മീഡിയയിൽ വൈറലാകുന്നത്.  ‘അമ്മയ്ക്ക് ചെറിയ സമ്മാനം’ എന്ന കുറിപ്പോടെയാണ് വിഡിയോ പങ്കുവച്ചിരിക്കുന്നത്. 

സർപ്രൈസ് സമ്മാനമായി പുതിയ സ്വർണമാലയുമായെത്തിയാണ് മകൻ അമ്മയെ സന്തോഷിപ്പിച്ചത്. ഭക്ഷണം വിളമ്പുന്നതിനിടയിൽ അമ്മ കാണാതെ പിന്നിൽ നിന്നെത്തിയാണ് മകൻ ഞെട്ടിച്ചത്. അമ്മയുടെ കഴുത്തിലേക്ക് മാല അണിയുകയായിരുന്നു. ഇ സമയം അമ്മയുടെ മുഖത്തെ സന്തോഷവും സംഭവം വിശ്വസിക്കാനാകാതെ മകന്റെ മുഖത്തേക്ക് നോക്കുന്നതും വിഡിയോയിൽ കാണാം. ഗുൽസർ സാഹബ് എന്ന ട്വിറ്റർ അക്കൗണ്ടിലാണ് 40 സെക്കന്റ് മാത്രം ദൈർഘ്യമുള്ള വിഡിയോ എത്തിയത്. 

നിമിഷങ്ങൾക്കുള്ളിൽ വൈറലായ വിഡിയോയ്ക്ക് നിരവധി കമന്റുകളും ലഭിക്കുന്നുണ്ട്. മാതൃസ്നേഹത്തെക്കുറിച്ചും അമ്മമാരുടെ സന്തോഷത്തിന് നൽകേണ്ട പ്രാധാന്യത്തെക്കുറിച്ചുമൊക്കെയാണ് കമന്റുകൾ ഏറെയും. അമ്മയുണ്ടെങ്കിൽ എല്ലാമുണ്ട് എന്നാണ് വിഡിയോയ്ക്ക് കമന്റായി ചിലർ കുറിച്ചിരിക്കുന്നത്. 

ഈ വാര്‍ത്ത കൂടി വായിക്കൂ 

'സുന്ദരിയാകാന്‍ ഇരട്ട കണ്‍പോളകള്‍ വേണം'; 9 വയസ്സുകാരിയെ പ്ലാസ്റ്റിക് സര്‍ജറിക്ക് വിധേയയാക്കി അമ്മ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ