മുളളന്‍ പന്നിയുമായുളള കടുത്ത ഏറ്റുമുട്ടലിന് ഒടുവില്‍ പുളളിപ്പുലി വിജയിക്കുന്നതിന്റെ വീഡിയോ വ്യാപകമായാണ് പ്രചരിച്ചത്. ശക്തമായി ചെറുത്തുനില്‍ക്കാന്‍ ശ്രമിച്ച മുളളന്‍ പന്നി അവസാനം പുളളിപ്പുലിക്ക് കീഴടങ്ങുന്നതാണ് വീഡിയോയില്‍ ഉളളത്. ഇപ്പോള്‍ സമാനമായ ഒരു ഏറ്റുമുട്ടലിന്റെ വീഡിയോയാണ് സോഷ്യല്‍മീഡിയ ഏറ്റെടുത്തിരിക്കുന്നത്.

റോഡിലൂടെ നീങ്ങുകയാണ് മുളളന്‍ പന്നി. ഇരയെന്ന് കണ്ട് മുളളന്‍ പന്നിയുടെ അരികിലേക്ക് നീങ്ങിയ പുളളിപ്പുലിയെ പാഠം പഠിപ്പിച്ചിരിക്കുകയാണ് മുളളന്‍ പന്നി. ഏറ്റുമുട്ടലിന് ഒടുവില്‍ മുഖം മുഴുവന്‍ മുളളുകള്‍ കുത്തി കയറിയ പുളളിപ്പുലി മുളളന്‍ പന്നിയെ പിടിക്കാനുളള ശ്രമത്തില്‍ നിന്ന് പിന്‍വാങ്ങുന്നതാണ് ദൃശ്യങ്ങളില്‍ ഉളളത്. പ്രാവീണ്‍ കാസ്‌വാന്‍ ഐഎഫ്എസാണ് വീഡിയോ ട്വിറ്ററില്‍ പങ്കുവെച്ചിരിക്കുന്നത്.

പൂര്‍ണവളര്‍ച്ചയെത്തിയ മുളളന്‍പന്നിയുടെ ശരീരത്തില്‍ ഏകദേശം 30,000 മുളളുകളെങ്കിലും ഉണ്ടാകുമെന്നാണ്  വിദഗ്ധര്‍ പറയുന്നത്. ശത്രുക്കളെ ചെറുക്കാന്‍  ഒരു പ്രതിരോധകോട്ട പോലെയാണ് ഈ മുളളുകളെ മുളളന്‍ പന്നി ഉപയോഗിക്കുന്നത്.