സൈബർ ലോകത്തെ അമ്പരപ്പിക്കുകയാണ് ഒരു ചിത്രം. ഏത് ജീവിയുടെ ചിത്രമാണെന്ന് കണ്ടെത്താൻ ആവശ്യപ്പെട്ടുള്ള ഒരു ട്വിറ്റർ പോസ്റ്റാണ് സാമൂഹിക മാധ്യമങ്ങളിൽ വൈറലായി മാറിയത്.

ഐഎഎസ് ഉദ്യോഗസ്ഥനായ ഡോ. ജെകെ സോണിയാണ് ട്വിറ്ററിലൂടെ ചിത്രം പങ്കുവെച്ചിരിക്കുന്നത്. സൂക്ഷിച്ചു നോക്കിയാൽ രണ്ട് കണ്ണുകൾ മാത്രം കൃത്യമായി മനസിലാകും. നീലയും, സ്വർണ്ണ നിറവും, കറുപ്പും എല്ലാം കലർന്ന നിറത്തിലാണ് ജീവിയുടെ രൂപം.

ചിത്രം പങ്കുവെച്ചതു മുതൽ വ്യത്യസ്തമായ ഉത്തരങ്ങളുമായി നിരവധിപ്പേർ എത്തി. എന്നാൽ അവസാനം കൃത്യമായ ഉത്തരം സോണി തന്നെ പങ്കുവെച്ചിട്ടുണ്ട്. സോഷ്യൽ മീഡിയയുടെ തല പുകച്ച ഈ ചിത്രം ഒരു മുതലയുടേതാണ്.