മരംകൊത്തി മറ്റ് പ്രതലങ്ങളിൽ കൊത്തി കൂടുണ്ടാക്കാൻ ശ്രമിക്കുന്നത് വളരെ വളരെ അപൂർവമായി മാത്രം സംഭവിക്കുന്ന കാര്യമാണ്. ഇപ്പോഴിതാ അത്തരമൊരു വീഡിയോ ശ്രദ്ധേയമാകുകയാണ്.

ഐഎഫ്എസ് ഉദ്യോ​ഗസ്ഥനായ സുശാന്ത നന്ദയാണ് വീഡിയോ പങ്കിട്ടത്. വീഡിയോയിലുള്ള മരംകൊത്തി കോൺ​ക്രീറ്റ് പ്രതലത്തിലാണ് കൊത്തി കൂടുണ്ടാക്കാനുള്ള ശ്രമം നടത്തുന്നത്. ശ്രദ്ധേയമായ കുറിപ്പോടെയാണ് സുശാന്ത വീഡിയോ പങ്കിട്ടത്.

'ന​ഗരവത്കരിക്കപ്പെട്ട മരംകൊത്തി... ഒരു കോൺക്രീറ്റ് ഭിത്തിയിൽ കൂടുണ്ടാക്കുന്നത് അതിന്റെ ബലക്കുറവിനെ കാണിക്കുന്നു. മരംകൊത്തിയുടെ കൊക്കിന് ഇത്ര ശക്തിയുണ്ടെന്ന് ഒരിക്കലും മനസിലായില്ല'- സുശാന്ത വീഡിയോക്കൊപ്പം കുറിച്ചു.