മനുഷ്യനെ അപേക്ഷിച്ച് സഹജീവികളോട് കൂടുതല്‍ സ്‌നേഹവും സഹാനുഭൂതിയും പ്രകടമാക്കുന്നത് മൃഗങ്ങളാണ് എന്നതിന്റെ നിരവധി ഉദാഹരണങ്ങള്‍ പുറത്തുവന്നിട്ടുണ്ട്.  പലപ്പോഴും മൃഗങ്ങളുടെ പെരുമാറ്റം മനുഷ്യര്‍ക്ക് ഒരു പാഠവുമാണ്. അത്തരത്തിലുളള ഒരു വീഡിയോയാണ് ഇപ്പോള്‍ സോഷ്യല്‍മീഡിയയില്‍ പ്രചരിക്കുന്നത്.

 റോഡിലൂടെ നടന്നുപോകുന്ന കുട്ടിയാന വഴിയില്‍ കാണുന്ന ഒരു ആമയോട് കാണിക്കുന്ന സഹാനുഭൂതിയാണ് ദൃശ്യങ്ങളിലുളളത്. റോഡിലൂടെ നടന്നുവരികയാണ് കുട്ടിയാന. അതിനിടെ യാദൃശ്ചികമായാണ് ആന ആമയെ കാണുന്നത്. ആമയെ അല്‍പ്പം തളളി നീക്കി റോഡിലൂടെ പോകുന്നത് അപകടമാണ് എന്ന സൂചന നല്‍കുന്ന തരത്തിലാണ് വീഡിയോ. ഐഎഫ്എസുകാരനായ പ്രവീണ്‍ കാസ്‌വാനാണ് വീഡിയോ സോഷ്യല്‍മീഡിയയില്‍ പങ്കുവെച്ചിരിക്കുന്നത്. കുട്ടിയാന നല്‍കുന്ന പാഠം എന്ന ആമുഖത്തോടെയാണ് ദൃശ്യങ്ങള്‍.