ക്രിസ്മസ് നാളുകളില്‍ ഏറ്റവും കൂടുതല്‍ കേള്‍ക്കുന്നത് കരോള്‍ തന്നെയാണെന്നതില്‍ സംശയമില്ല. എന്നാല്‍ കരോള്‍ പാടാന്‍ ഒപ്പം കൂടുന്നതുകൊണ്ട് ഒരു പ്രയോജനമുണ്ട്. എല്ലാവരും ഒന്നിച്ച് കരോള്‍ ഗാനങ്ങള്‍ പാടുമ്പോള്‍ സന്തോഷം മാത്രമല്ല ഉണ്ടാകുന്നത് മറിച്ച് നിങ്ങളുടെ മാനസികാരോഗ്യവും ഇതോടൊപ്പം വര്‍ദ്ധിക്കുന്നുണ്ട്. ഉല്‍കണ്ഠ, വിഷാദം പോലുള്ള അവസ്ഥകള്‍ കൂടുതല്‍ നന്നായി കൈകാര്യം ചെയ്യാനുള്ള ഊര്‍ജം ഇതുവഴി ലഭിക്കുമെന്നാണ് ഗവേഷകരുടെ കണ്ടെത്തല്‍. 

ഒന്നിച്ച കരോള്‍ ഗാനങ്ങള്‍ പാടുന്നവരുടെ മാനസികാരോഗ്യം മെച്ചപ്പെട്ടതായി മനസ്സിലാക്കിയതില്‍ നിന്നാണ് ഗവേഷകര്‍ ഈ കണ്ടെത്തലിലേക്ക് എത്തിയത്. ചിലര്‍ക്ക് ഇത് മാനസികാരോഗ്യം മെച്ചപ്പെടുത്താന്‍ സഹായിക്കുമ്പോള്‍ മറ്റുചിലര്‍ക്ക് ഇത് അവരുടെ മാനസികാരോഗ്യം വീണ്ടെടുക്കാനുള്ള മാര്‍ഗമാണ്. ഇത് ആളുകളുടെ മനോഭാവത്തെ മെച്ചപ്പെടുത്തുകയും ദൈനംദിന കാര്യങ്ങളില്‍ ഇവരെ കൂടുതല്‍ ഊര്‍ജ്ജസ്വലരാക്കുകയും ചെയ്യും. ബിഎംജെ ജേര്‍ണലിലാണ് ഈ പഠനം പ്രസിദ്ധീകരിച്ചിരിക്കുന്നത്.