അര്ദ്ധരാത്രിയില് പെണ്കുട്ടിയെ പിന്തടുര്ന്ന് പോയ ബിജെപി നേതാവിന്റെ മകനെ അനുകൂലിക്കുകയും, അര്ദ്ധരാത്രിയില് പുറത്തിറങ്ങിയതെന്തിനെന്ന ചോദ്യം പെണ്കുട്ടിക്ക് നേരെ ഉന്നയിക്കുകയും ചെയ്ത ബിജെപി നേതാക്കള്ക്ക് സമൂഹമാധ്യമങ്ങളിലൂടെ മറുപടി. AintNoCinderella എന്ന ഹാഷ് ടാഗില് ക്യാംപെയിന് ആരംഭിച്ചാണ് ബിജെപി നേതാക്കള്ക്കുള്ള മറുപടി ഉയരുന്നത്.
രാത്രി പുറത്ത് നില്ക്കുന്ന ഫോട്ടോ ഷെയര് ചെയ്താണ് സ്ത്രീ സ്വാതന്ത്ര്യത്തെ ചങ്ങലയ്ക്കിടുന്നവര്ക്കുള്ള മറുപടി. ഹരിയാനയിലെ ബിജെവപി വൈസ് പ്രസിഡന്റ് രാംവീര് ഭട്ടിയായിരുന്നു അര്ദ്ധരാത്രിയില് അതിക്രമത്തിന് ഇരയായ വര്ണികയെന്ന പെണ്കുട്ടിക്കെതിരെ ആദ്യം അധിക്ഷേപകരമായ പരാമര്ശം നടത്തിയത്. അര്ദ്ധരാത്രിയില് പുറത്തിങ്ങാന് പാടില്ലായിരുന്നുവെന്ന രാംവീറിന്റെ പരാമര്ശം വിവാദമായതോടെ ബിജെപി നേതാവ് തന്റെ പ്രസ്താവന പിന്വലിച്ചു.
എന്നാല് ഇരയെ അധിക്ഷേപിക്കുന്ന ബിജെപിയുടെ സമീപനത്തിനെതിരെ ശക്തമായ പ്രതിഷേധമാണ് ഇപ്പോള് സമൂഹമാധ്യമങ്ങളില് ഉയരുന്നത്. അതിനിടെ വര്ണികയെ തട്ടികൊണ്ടുപോകാന് ശ്രമിച്ചെന്ന കേസില് ഹാജരാകണമെന്ന് പൊലീസ് നിര്ദേശിച്ചിട്ടും ഹരിയാനയിലെ ബിജെപി അധ്യക്ഷന്റെ മകനായ വികാസ് ബര്ള അതെല്ലാം തള്ളുകയാണെന്നാണ് റിപ്പോര്ട്ടുകള് വരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates