തൃശ്ശൂർ പൂരത്തിനിടെ ചിത്രീകരിച്ച രണ്ട് വ്യത്യസ്ത സേവ് ദി ഡേറ്റ് വിഡിയോകളാണ് സമൂഹമാധ്യമങ്ങളിൽ ശ്രദ്ധനേടുന്നത്. പൂരവും പൂരാഘോഷങ്ങളുമൊക്കെ അവസാനിച്ചെങ്കിലും പൂരക്കാഴ്ചകൾ വീണ്ടും സമ്മാനിക്കുന്നതാണ് ഇരു വിഡിയോകളും. 

 കണ്ണൂര്‍ സ്വദേശിയായ ശ്രുതിയുടെയും ആലുവ സ്വദേശിയായ കൃഷ്ണയുടെയും വി‍‍ഡിയോയാണ് ആദ്യത്തേത്. നെറ്റിപ്പട്ടം ചാർത്തി നിരന്നുനിൽക്കുന്ന കൊമ്പൻമാർക്കിടയിലൂടെ പ്രണയം ആഘോഷമാക്കുകയാണ് ഇരുവരും. മോഷൺ പിക്ചേഴ്സ് ഒരുക്കിയിരിക്കുന്ന സേവ് ദി ഡേറ്റ് വിഡിയോയാണ് ഇത്. ഈ വർഷം സെപ്തംബറിലാണ് ഇരുവരുടെയും വിവാഹം.

ബ്ലാക്ക്പേപ്പർ വെഡിങ്സ് ഒരുക്കിയിട്ടുള്ളതാണ് രണ്ടാമത്തെ വിഡിയോ. വിവേക്-മീര ജോഡിയുടെ സേവ് ദി ഡേറ്റ് വിഡിയോയാണ് ഇത്. 'കാന്താ ഞാനും വരാം, തൃശൂർ പൂരം കാണാൻ' എന്ന ഗാനം പശ്ചാതലമായി നൽകിയാണ് ദൃശ്യങ്ങൾ ഒരുക്കിയിരിക്കുന്നത്. ഈ മാസം 25-ാം തിയതിയാണ് ഇവരുടെ വിവാഹം.