തനിക്ക് ബിരുദം ലഭിച്ച ദിവസം എക്കാലവും സ്മരിക്കപ്പെടണമെന്ന ചിന്തയിൽ നിന്നാണ് ടെ​ക്സ​സ് സ്വ​ദേ​ശി​നി മ​ക്കെ​ന്‍​സി നൊ​ല​ന്‍​ഡിന് അങ്ങനെയൊരു ചിത്രമെടുക്കാൻ തോന്നിയത്. എന്തായാലും ആ ക്ലിക്കുകൾ ഇപ്പോൾ വൈറലായി. ബി​രു​ദ​ദാ​ന​ച്ച​ട​ങ്ങു ക​ഴി​ഞ്ഞ് കോ​ള​ജി​നോ​ട് വി​ട​പ​റ​യു​ന്ന വേ​ള​യി​ല്‍ 21കാ​രിയായ നൊലൻഡ് എ​ടു​ത്ത ചി​ത്ര​ങ്ങളാണ് ശ്ര​ദ്ധ നേടിയത്. വൈ​ല്‍​ഡ്‌​ലൈ​ഫ് ആ​ന്‍​ഡ് ഫി​ഷ​റി സ​യ​ന്‍​സി​ല്‍ ഡി​​ഗ്രി സ്വന്തമാക്കിയ നൊ​ല​ന്‍​ഡി​ന്‍റെ ബി​രു​ദ​ദാ​ന​ച്ച​ട​ങ്ങ്  കഴിഞ്ഞ ദിവസമായി​രു​ന്നു. നൊലൻഡിനൊപ്പം ഫോട്ടോയ്ക്ക് പോസ് ചെയ്തത് ബി​ഗ് ടെക്സ് എന്ന് പേരുള്ള കൂറ്റൻ മുതലയാണ്. 

ച​ട​ങ്ങി​നു​ ശേ​ഷം അ​വ​ള്‍ നേ​രേ പോ​യ​ത് ബി​ഗ് ടെ​ക്സ് എ​ന്നു വി​ളി​ക്കു​ന്ന മു​ത​ല​യു​ടെ അ​ടു​ത്തേ​ക്കാ​യി​രു​ന്നു. അ​വ​നൊപ്പം നി​ന്ന് ചി​ത്ര​മെ​ടു​ക്കാ​ന്‍. ആ ചി​ത്ര​ങ്ങ​ള്‍ അ​വ​ള്‍ സോ​ഷ്യ​ല്‍ മീ​ഡി​യ​യി​ല്‍ "നി​ങ്ങ​ളു​ടെ ബി​രു​ദ​ദാ​ന ചി​ത്രം ​പോ​ലെ​യ​ല്ല ഇ​ത്' എ​ന്ന അ​ടി​ക്കു​റി​പ്പോ​ടെ പോ​സ്റ്റ് ചെ​യ്യു​ക​യും ചെ​യ്തു. ഇ​താ​ണ് വൈ​റ​ലാ​യ​ത് 13.8 അ​ടി നീ​ള​വും 400 കി​ലോ​ഗ്രാ​മി​ല​ധി​കം ഭാ​ര​വു​മു​ള്ള ടെ​ക്സി​നെ ടെ​ക്സ​സി​ലു​ള്ള ബ്യൂ​മൗ​ണ്ട് പു​ന​ര​ധി​വാ​സ ​കേ​ന്ദ്ര​ത്തി​ലാ​ണ് പാ​ര്‍​പ്പി​ച്ചി​രി​ക്കു​ന്ന​ത്. മേ​യി​ല്‍ ഇ​വി​ടെ ഇ​ന്‍റേ​ണ്‍​ഷി​പ്പ് ചെയുമ്പോ​ഴാണ് നൊ​ല​ന്‍​ഡ് ടെ​ക്സി​നെ കാ​ണു​ന്ന​ത്. ടെ​ക്സു​മാ​യി ചങ്ങാത്തത്തിലാകാൻ നൊലൻഡിന് സാധിച്ചതോടെയാണ് ഫോട്ടോയെടുപ്പ് റിസ്ക്കില്ലാതെ നടത്താൻ സാധിച്ചത്.  മു​ത​ല​ സം​ര​ക്ഷ​ണ ​കേ​ന്ദ്ര​ത്തി​ന്‍റെ ന​ട​ത്തി​പ്പു​കാ​ര​നാ​യ ആ​ര്‍​ലി ഹാ​മ​ണ്ട്സ് ആ​ണ് മു​ത​ല​യ്ക്കൊ​പ്പം നി​ല്‍​ക്കു​ന്ന നൊ​ല​ന്‍​ഡി​ന്‍റെ ചി​ത്ര​മെ​ടു​ത്ത​ത്. 

ടെ​ക്സ് അ​ക്ര​മി​ക്കി​ല്ലാ​യി​രു​ന്നോ എ​ന്ന ചോ​ദ്യ​ത്തി​ന് നൊലൻ‌ഡിന് ഒ​ന്നേ പ​റ​യാ​നു​ള്ളൂ. മു​ത​ല​ക്കു​ഞ്ഞു​ങ്ങ​ള്‍ എ​ന്നെ ക​ടി​ച്ചി​ട്ടു​ണ്ട്. എ​ന്നാ​ല്‍, ടെ​ക്സ് ഒ​രി​ക്ക​ലും ക​ടി​ച്ചി​ട്ടി​ല്ല. ആ​ളൊ​രു പാ​വ​മാ​ണെന്നും 21കാരിയുടെ സാക്ഷ്യം. 2016 മു​ത​ല്‍ ബി​ഗ് ടെ​ക്സ് ഇ​വി​ട​ത്തെ അ​ന്തേ​വാ​സി​യാ​ണ്.