വെള്ളത്തില്‍ നീന്തിയും ചാടിമറിഞ്ഞുമുള്ള മീനുകളുടെ അഭ്യാസപ്രകടനങ്ങള്‍ ഒരുപാട് കണ്ടിട്ടുണ്ടെങ്കിലും അസാധാരണമായ ഒരു വിഡിയോയാണ് ഇപ്പോള്‍ ശ്രദ്ധനേടുന്നത്. ഒരു മീന്‍ ഭിത്തിയിലൂടെ മുകളിലേക്ക് കയറുന്ന വിഡിയോയാണ് കാഴ്ച്ചക്കാരെ അമ്പരപ്പിച്ചിരിക്കുന്നത്.

വെള്ളം ഒഴുകിവരുന്ന ഒരു ഭിത്തിയിലൂടെ എതിര്‍ ദിശയിലേക്ക് കയറുന്ന മീനിനെയാണ് ഈ അപൂര്‍വ്വ വിഡിയോയില്‍ കാണാനാകുക. തീവ്ര ശ്രമത്തിനൊടുവില്‍ ഭിത്തിയിലൂടെ കയറി വിജയകരമായി മീന്‍ മുകളിലെത്തുന്നുണ്ട്.

ഈ മീന്‍ ഒരു ഡ്രാഗണ്‍ ആയി മാറുമെന്നാണ് വിഡിയോ കണ്ടവരുടെ കമന്റുകള്‍. എന്നാല്‍ ചിലരാകട്ടെ ഇത്ര ഭഗീരഥ പ്രയത്‌നത്തിന് ശേഷം മുകളിലെത്തിയ മീന്‍ എത്രമാത്രം നിരാശയിലായിരിക്കും എന്നാണ് ആശങ്കപ്പെടുന്നത്. അതേസമയം ഇത് ആദ്യമായല്ല ഒരു മീന്‍ ഭിത്തിയില്‍ പിടിച്ച് കയറുന്നതെന്നാണ് കണ്ടെത്തല്‍. 2015ല്‍ സമാനമായ ഒരു സംഭവം ഉണ്ടായിട്ടുള്ളതായി റെക്കോര്‍ഡുണ്ട്. എന്നാല്‍ ഈ രണ്ട് മീനുകളും ഒരേ ഗണത്തില്‍ പെട്ടതാണോ എന്ന് കണ്ടെത്തിയിട്ടില്ല.