മുന്നില്‍ വരുന്ന ശത്രുവിനോട് പോരാടുന്നതിനേക്കാള്‍ ഒളിവില്‍ പോകുന്നതാണ് ബ്ലാക്ക് മാമ്പ എന്ന ഭീകരന്‍ പാമ്പിന്റെ രീതി. അപൂര്‍വമായി മാത്രം പിടിതരുന്ന ബ്ലാക്ക് മാമ്പയിലിന്റെ കൂട്ടത്തില്‍ ഒന്നിനെ ദക്ഷിണാഫ്രിക്കയിലെ ഡര്‍ബനിലെ ഒരു വീട്ടില്‍ നിന്നും പിടിച്ചെടുത്തു.

ടിവി സ്റ്റാന്‍ഡിന്റെ അടിയില്‍ ഒളിച്ചിരിക്കുകയായിരുന്നു ഈ വിരുതന്‍. അടുത്തെത്തുമ്പോള്‍ വായ തുറന്ന് ചീറ്റാന്‍ ആരംഭിച്ചതോടെ ലോകത്തിലെ ഏറ്റവും വിഷമേറിയ പാമ്പുകളില്‍ ഒന്നായ മാമ്പയെ പിടികൂടാന്‍ വിട്ടുടമസ്ഥ വിദഗ്ധന്റെ സഹായം തേടുകയായിരുന്നു. 

നാഷണല്‍ ജിയോഗ്രഫിക് സൈറ്റാണ് നിക്ക് ഇവാന്‍സ് ഓടിഒളിക്കാന്‍ ശ്രമിക്കുന്ന മാമ്പയെ പിടിക്കുന്ന വീഡിയോ പുറത്തുവിട്ടിരിക്കുന്നത്. ക്രീം നിറത്തിലുള്ള മാമ്പയുടെ വായ നീലനിറത്തിലുള്ളതാണ്. മൈക്രോചിപ്പ് ഘടിപ്പിച്ചതിന് ശേഷം മാമ്പയെ കാട്ടിലേക്ക് തിരിച്ചയച്ചു.