മനുഷ്യര്‍ക്ക് മാത്രമല്ല മൃഗങ്ങള്‍ക്കും കുളിച്ച് സുന്ദരന്മാരാകാന്‍ ആഗ്രഹമുണ്ടെന്ന് തെളിയിക്കുകയാണ് ഈ ദൃശ്യം. ഒരു ബാത്ത് റൂമിലെ സിങ്കില്‍ കയറിനിന്ന് ദേഹമാസകലം സോപ്പ് തേച്ച് കുളിക്കുകയാണ് ഒരു മൂഷികന്‍. രണ്ടു കാലില്‍ നിന്ന്, ശരിക്കും മനുഷ്യന്‍ കുളിക്കുന്നതുപോലെയാണ് എലിയുടെ നീരാട്ട്. 

പെറുവിലെ അങ്കാഷില്‍ ഹുറാസ് നഗരത്തിലെ ഒരു വീട്ടില്‍ നിന്ന് ചിത്രീകരിച്ചതാണ് ഈ വീഡിയോ. ഡിജെയായ ഹോസെ കൊറയയാണ് ഈ വീഡിയോ ചിത്രീകരിച്ചത്. ഓണ്‍ലൈനില്‍ പോസ്റ്റ് ചെയ്ത വീഡിയോ ഇപ്പോള്‍ വൈറലായിരിക്കുകയാണ്. പോസ്റ്റ് ചെയ്ത് രണ്ടു ദിവസത്തിനകം മുപ്പത്തെട്ടായിരത്തിലേറെ പേരാണ് ഇതുവരെ വീഡിയോ കണ്ടത്.