ന്യൂയോര്‍ക്ക്: ഇന്ത്യന്‍- പാകിസ്ഥാനി സ്വവര്‍ഗദമ്പതിമാരുടെ ഫോട്ടോഷൂട്ട് വൈറലാകുന്നു. അമേരിക്കയില്‍ സ്ഥിരതാമസമാക്കിയ ഇവര്‍ ന്യൂയോര്‍ക്കില്‍ നിന്നെടുത്ത ചിത്രങ്ങളാണ് സമൂഹമാധ്യമങ്ങളില്‍ പങ്കുവെച്ചിരിക്കുന്നത് എന്നാണ് മനസിലാവുന്നത്. 

തിങ്കളാഴ്ചയാണ് ട്വിറ്ററില്‍ ഇവരുടെ ചിത്രങ്ങള്‍ പോസ്റ്റ് ചെയ്തത്. ഇന്ത്യയില്‍നിന്നുള്ള അഞ്ജലി ചക്ര, പാക്കിസ്ഥാന്‍ സ്വദേശിനിയായ ആര്‍ട്ടിസ്റ്റ് സുന്ദാസ് മാലിക് എന്നീ പെണ്‍കുട്ടികളാണ് മഴച്ചാറ്റലില്‍ കുടയ്ക്കടിയില്‍ ചിത്രത്തിനു പോസ് ചെയ്തിരിക്കുന്നത്. ഇരുവരും ന്യൂയോര്‍ക്കിലാണു താമസം.

പരമ്പരാഗത വസ്ത്രങ്ങളും ആഭരണങ്ങളും ധരിച്ച് മനോഹരമായി ചിരിച്ചും ചുംബിച്ചും പകര്‍ത്തിയ ഇവരുടെ ചിത്രങ്ങള്‍ സമൂഹമാധ്യമങ്ങളില്‍ തരംഗമാവുകയാണ്. 'ഒരു ന്യൂയോര്‍ക്ക് ലവ് സ്‌റ്റോറി' എന്ന തലക്കെട്ടോടെയാണ് ഫൊട്ടോഗ്രഫര്‍ ചിത്രങ്ങള്‍ പോസ്റ്റ് ചെയ്തിരിക്കുന്നത്. ചിത്രങ്ങള്‍ സമൂഹമാധ്യമങ്ങളില്‍ വന്‍ സ്വീകാര്യതയാണ് ലഭിക്കുന്നത്.