പൂനെ:  എണ്‍പത്തിരണ്ടാം വയസ്സായപ്പോള്‍ പൂനെക്കാരന്‍ ശ്രീധര്‍ ചില്ലാലിന് ഒരു മോഹം. ഒന്ന് നഖം മുറിക്കണം. അതിലെന്താ ഇത്ര കൗതുകം എന്നല്ലേ.. കഴിഞ്ഞ 66 വര്‍ഷമായി വളര്‍ത്തിയിരുന്ന നഖമാണ് ഈ ഗിന്നസ് വേള്‍ഡ് റെക്കോര്‍ഡുകാരന്‍ വെട്ടാനൊരുങ്ങുന്നത്. 

 വെട്ടിക്കഴിഞ്ഞാല്‍ ചില്ലാലിന്റെ നഖം വെറുതേ ഉപേക്ഷിക്കുമെന്ന് കരുതിയോ? എങ്കില്‍ തെറ്റി. യുഎസിലെ 'ബിലീവ് ഇറ്റ്  ഓര്‍ നോട്ട് 'എന്ന മ്യൂസിയത്തിലാണ് നഖം പ്രദര്‍ശനത്തിനൊരുങ്ങുന്നത്. മ്യൂസിയത്തിന്റെ നേതൃത്വത്തിലാകും വിശ്വ വിഖ്യാതമായ ഈ നഖം വെട്ടല്‍ നടക്കാന്‍ പോകുന്നത്.

ചില്ലാലിന്റെ നഖങ്ങളുടെ ആകെ നീളം 909.6 സെന്റീമീറ്ററാണ്.തള്ളവിരലിലെ നഖമാണ് ഏറ്റവും നീളം കൂടിയത് 197.8 സെന്റീ മീറ്റര്‍. പതിനാലാം വയസ്സിലാണ് നഖം വളര്‍ത്തല്‍ വിനോദം  ശ്രീധര്‍ ചില്ലാല്‍ ആരംഭിച്ചത്. ഇത് പിന്നീട് മുറിഞ്ഞു പോവുകയായിരുന്നു.