സോപ്പും ബ്രഷും ഉപയോഗിച്ച് തുണി കഴുകുന്ന ചിമ്പാന്‍സിയുടെ വീഡിയോ സാമൂഹ്യമാധ്യമങ്ങളില്‍ വൈറലാകുന്നു. ചൈനയിലെ തീം പാര്‍ക്കില്‍ നിന്നുളള രസകരമായ സംഭവമാണ് വ്യാപകമായി സാമൂഹ്യമാധ്യമങ്ങളില്‍ പ്രചരിക്കുന്നത്.

18 വയസ്സു പ്രായമുള്ള ആണ്‍ ചിമ്പാന്‍സി ആണ് മനുഷ്യര്‍ ചെയ്യുന്നതുപോലെ ഒരു വെള്ള ടീഷര്‍ട്ട് വെള്ളത്തില്‍ മുക്കി സോപ്പും ബ്രഷും ഉപയോഗിച്ച് കഴുകിയത്. മേല്‍നോട്ടക്കാരി കഴിഞ്ഞ ദിവസം വസ്ത്രങ്ങള്‍ കഴുകുന്നത് ചിമ്പാന്‍സി ശ്രദ്ധിച്ചിരുന്നു. തുടര്‍ന്ന്് മേല്‍നോട്ടക്കാരി ഒരു ടീ ഷര്‍ട്ടും സോപ്പും ബ്രഷും അവിടെ വച്ചിട്ട് മാറി നിന്നു നിരീക്ഷിക്കുകയായിരുന്നു. 

ചിമ്പാന്‍സി തുണി നനയ്ക്കുന്നത് നിരീക്ഷിച്ച സ്ഥിതിക്ക് എന്തു ചെയ്യുമെന്നറിയാനാണ് ഇവയെല്ലാം അവിടെത്തന്നെ വച്ചത്.എന്നാല്‍ കൃത്യമായ നിരീക്ഷണത്തിലൂടെ മനുഷ്യന്‍ ചെയ്യുന്നതു പോലെ തന്നെ ടീ ഷര്‍ട്ട് വെള്ളത്തില്‍ മുക്കി സോപ്പും ബ്രഷും ഉപയോഗിച്ച് ചിമ്പാന്‍സി കഴുകുന്ന ദൃശ്യങ്ങളാണ് പ്രചരിക്കുന്നത്.ചിമ്പാന്‍സികള്‍ പൊതുവെ ബുദ്ധിയുള്ള ജീവികളാണ്.