കണ്ണൂര്‍: മരം മുറി തൊഴിലാളിയും പയ്യന്നൂര്‍ പെയിന്‍ ആന്റ്പാലിയേറ്റീവ് കെയര്‍ സൊസൈറ്റി വളണ്ടിയറുമായ മധ്യവയസ്‌കന്‍ അപകടത്തെ തുടര്‍ന്ന് മരിച്ചു. രാമന്തളി കുന്നരു സെന്‍ട്രലിലെ കൊയക്കീല്‍ കൃഷ്ണന്‍ (59) ആണ് മരിച്ചത്.ഇന്ന് രാവിലെ പത്തരയോടെയായിരുന്നു അപകടം.

മരംമുറി തൊഴിലാളിയായിരുന്ന കൃഷ്ണന്‍ കുന്നരു മില്ലിന് സമീപത്തെ വീട്ടുവളപ്പില്‍ തെങ്ങ് മുറിച്ച് മാറ്റാനായി എത്തിയതായിരുന്നു. മുകളിലെ ഭാഗം മുറിക്കുന്നതിനിടയില്‍ കേടായിരുന്ന അടിഭാഗമുള്‍പ്പെടെ തെങ്ങ് മുറിഞ്ഞുവീഴുകയായിരുന്നു.

സാരമായി പരിക്കേറ്റ ഇയാളെ നാട്ടുകാര്‍ഉടന്‍തന്നെ പരിയാരത്തെ കണ്ണൂര്‍ ഗവ. മെഡിക്കല്‍ കോളജ് ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല. നാളെ (വ്യാഴാഴ്ച)രാവിലെ 8.30 ന് കുന്നരു ടാഗോര്‍ സ്മാരക വായനാശലയിലും വീട്ടിലെ പൊതുദര്‍ശനത്തിന് ശേഷം 10 മണിക്ക് പൊതുശ്മശാനത്തില്‍ സംസ് കാരം.ഭാര്യ: വത്സല. മകള്‍: അനൂപ. മരുമകന്‍: സുധീഷ് (നീലേശ്വരം, മിലിട്ടറി മധ്യപ്രദേശ്). സഹോദരങ്ങള്‍: വിലാസിനി, ശ്യാമള