Kathakali Cake. 
Thrissur

ചലിക്കുന്ന കണ്ണുകളുമായി കഥകളി പച്ചവേഷത്തിന്റെ രൂപത്തിൽ കേക്ക്|VIDEO

ലോക റെക്കോർഡ് സ്വന്തമാക്കി തൃശ്ശൂർ സ്വദേശിനി അഞ്ജു അലൻ

Author : സമകാലിക മലയാളം ഡെസ്ക്
Edited By : Damodaran K

തൃശ്ശൂർ: ചലിക്കുന്ന കണ്ണുകളുമായി കഥകളി പച്ചവേഷത്തിന്റെ ശിൽപ്പചാരുതയിൽ കേക്ക് ഒരുക്കിയ തൃശ്ശൂർ സ്വദേശിനിക്ക് ലോക റെക്കോർഡ്. പൂനെയിൽ താമസിക്കുന്ന തൃശ്ശൂർ കുട്ടനെല്ലൂർ സ്വദേശി ബാബു പഴയാറ്റിലിന്റെയും മേഴ്സിയുടെയും മകൾ അഞ്ജു അലൻ ഒരുക്കിയ കേക്കാണ് വേൾഡ് ബുക്ക് ഓഫ് റെക്കോർഡ്സിൽ ഇടം നേടിയത്.

പൂനെയിലെ ഓർക്കിഡ് ഹോട്ടലിൽ നടന്ന അഖിലേന്ത്യാ കേക്ക് മഹാമേളയിൽ വൈവിധ്യമാർന്ന രൂപകൽപ്പനകളോടെ 455 കേക്കുകളും കുക്കീസും ഒരുക്കി പ്രദർശിപ്പിച്ച അഞ്ജു അലൻ ഉൾപ്പെടെ 37 കേക്ക് ആർട്ടിസ്റ്റുകളാണ് വേൾഡ് ബുക്ക് ഓഫ് റെക്കോർഡ്സിൽ ഇടംപിടിച്ചത്. ഷെഫ് പ്രാചി ദാബൽ ദേബിന്റെ നേതൃത്വത്തിലാണ് ഈ ലോക റെക്കോർഡ് യജ്ഞം സംഘടിപ്പിച്ചത്. കേരളത്തിന്റെ തനത് കലാരൂപമായ കഥകളിയുടെ പച്ചവേഷമാണ് ഐസിംഗിന്റെ ശിൽപ്പചാരുതയിൽ അഞ്ജു അലൻ തയ്യാറാക്കിയത്. മൂന്നടി ഉയരവും രണ്ടടി വീതിയുമുള്ള ഈ കഥകളി കേക്കിലെ ചലിക്കുന്ന കണ്ണുകളാണ് കാഴ്ചക്കാരെ വിസ്മയിപ്പിച്ചത്. കഥകളിയുടെ ജീവനും മർമ്മവുമായ നേത്രമുദ്രകളെ ത്രീഡി പ്രിന്റിംഗിന്റെയും ചിപ്പിന്റെയും സഹായത്തോടെയാണ് ചലിക്കുന്ന രീതിയിൽ അണിയിച്ചൊരുക്കിയത്. ഇതിനൊപ്പം കഥകളി സംഗീതവും പശ്ചാത്തലത്തിൽ ചേർത്താണ് കേക്ക് അവതരിപ്പിച്ചത്.

മോഡലിംഗ് ചോക്ലേറ്റും ഫോണ്ടന്റും ഉപയോഗിച്ച് അതീവ കരകൗശല ചാരുതയോടെയാണ് കേക്ക് നിർമ്മിച്ചത്. കേരളത്തിന്റെ സാംസ്കാരിക പൈതൃകവും കേക്ക് ആർട്ടും ആധുനിക സാങ്കേതികവിദ്യയും ഈ കഥകളി കേക്കിൽ സമന്വയിപ്പിക്കാനായെന്ന് അഞ്ജു അലൻ പറഞ്ഞു. പൂനെയിലെ 'ദ ബേക്കിംഗ് പ്രൊജക്ട് 2.0' കേക്ക് സ്റ്റുഡിയോയുടെ സ്ഥാപകയാണ് അഞ്ജു അലൻ. എറണാകുളം സ്വദേശിയായ അലൻ ടിറ്റോയാണ് ഭർത്താവ്.

Thrissur native Anju Alan entered the World Book of Records by crafting a three-foot-tall Kathakali 'Pachavesham' cake featuring moving eyes powered by 3D printing and microchip technology, alongside traditional Kathakali music, at an all-India cake expo in Pune.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

കെസി വേണുഗോപാലിനെതിരെ പോരിനുറച്ച് മുസ്ലീം ലീഗ്; രാഹുൽ ഗാന്ധിക്ക് പരാതി നൽകി, കോൺഗ്രസിൽ ഗ്രൂപ്പ് യുദ്ധം രൂക്ഷം

മണിക്കൂറുകൾ കഴിഞ്ഞാലും ചപ്പാത്തി കട്ടിയാകില്ല, മാവ് കുഴയ്ക്കുമ്പോൾ ശ്രദ്ധിക്കേണ്ട കാര്യങ്ങൾ

കിരീടം നേടി, പിന്നാലെ അര്‍ജന്റീന താരം പരേഡസ് കുഴഞ്ഞു വീണു (വിഡിയോ)

'മിണ്ടാതിരിക്കൂ..!'; ഷാരൂഖ് ഖാനെ പരസ്യമായി അപമാനിച്ച് അനന്ത് അംബാനി? ചര്‍ച്ചയായി വിഡിയോ

തിരുപ്പരന്‍കുണ്‍ട്രം ദീപം തെളിക്കല്‍ അനുമതി പുനഃപരിശോധിക്കണം; തമിഴ്‌നാട് സര്‍ക്കാര്‍ സുപ്രീംകോടതിയില്‍