മോഹന്‍ലാലിനെ നായകനാക്കി രഞ്ജിത്ത് സംവിധാനം ചെയ്യുന്ന പുതിയ സിനിമയായ ഡ്രാമയുടെ റിലീസ് വീണ്ടുംനീട്ടി. ഓണത്തിന് പുറത്തിറക്കാനിരുന്ന ചിത്രം സെപ്തംബര്‍ 14ലേക്ക് മാറ്റിവച്ചിരുന്നു. എന്നാല്‍ ഇപ്പോള്‍ വീണ്ടും സിനിമയുടെ റിലീസ് നീട്ടിയിരിക്കുകയാണ്. നവംബര്‍ ഒന്നിന് കേരളപ്പിറവി ദിനത്തിലാണ് ചിത്രം തിയേറ്ററുകളിലെത്തുക.

സിനിമയുടെ ഭൂരിഭാഗം രംഗങ്ങളും ലണ്ടനിലാണ് ചിത്രീകരിച്ചത്. വര്‍ണചിത്ര ഗുഡ് ലൈന്‍ പ്രൊഡക്ഷന്‍സിന്റെയും ലില്ലിപ്പുട്ട് മോഷന്‍ പിക്‌ചേഴ്‌സിന്റെയും ബാനറില്‍ എം.കെ. നാസറും മഹാസുബൈറും ചേര്‍ന്ന് നിര്‍മ്മിക്കുന്ന ഡ്രാമയുടെ ഛായാഗ്രഹണം നിര്‍വ്വഹിക്കുന്നത് അഴകപ്പനാണ്. കനിഹ, ആശാശരത്ത്, സുരേഷ് കൃഷ്ണ, നിരഞ്ജ് മണിയന്‍പിള്ള, രഞ്ജി പണിക്കര്‍, ബൈജു, ഷാലിന്‍ സോയ തുടങ്ങിയവരാണ് ഡ്രാമായിലെ മറ്റഭിനേതാക്കള്‍.