നടന്‍ ജയം രവി നടത്തിയ വിവാഹമോചന പ്രഖ്യാപനം തന്റെ അറിവോടെയല്ലെന്ന് ഭാര്യ ആരതി. സോഷ്യല്‍ മീഡിയയില്‍ പങ്കുവച്ച കുറിപ്പിലൂടെയാണ് താരം ഇത് വ്യക്തമാക്കിയത്. വിവാഹ മോചനത്തേക്കുറിച്ചുള്ള ജയം രവിയുടെ പോസ്റ്റ് കണ്ട് തനിക്ക് ഞെട്ടലും സങ്കടവുമുണ്ടായി എന്നാണ് ആരതി കുറിച്ചത്. തന്റെ ഭര്‍ത്താവിനോട് നേരിട്ട് സംസാരിക്കാന്‍ പലപ്പോഴും ശ്രമിച്ചെങ്കിലും അതിന് സാധിച്ചില്ല. വേര്‍പിരിയാനുള്ള തീരുമാനം കുടുംബത്തിന്റെ ക്ഷേമത്തിനു വേണ്ടിയല്ലെന്നും ആരതി കുറിച്ചു.

ആരതിയുടെ കുറിപ്പ് വായിക്കാം

ഞങ്ങളുടെ വിവാഹത്തേക്കുറിച്ചുള്ള പ്രഖ്യാപനം എന്നെ ഞെട്ടിപ്പിക്കുകയും ദുഃഖത്തിലാക്കുകയും ചെയ്തു. ഈ തീരുമാനം എന്റെ അറിവോ സമ്മതമോ കൂടാതെയാണ്. 18 വര്‍ഷമായി ഞങ്ങള്‍ ഒന്നിച്ചാണ്, ഇത്തരത്തിലൊരു പ്രധാന സംഭവം അത് അര്‍ഹിക്കുന്ന ബഹുമാനത്തോടെയും സ്വകാര്യതയോടെയും ചെയ്യണ്ടതായിരുന്നു എന്നാണ് ഞാന്‍ വിശ്വസിക്കുന്നത്.

ഇതേക്കുറിച്ച് എന്റെ ഭര്‍ത്താവിനോട് നേരിട്ട് സംസാരിക്കാനായി പലവട്ടം ശ്രമിച്ചെങ്കിലും അതിന് സാധിച്ചില്ല. ഈ പ്രഖ്യാപനത്തോടെ എന്നെയും കുട്ടികളേയും ഇരുട്ടിലാക്കിയിരിക്കുകയാണ്. ബന്ധം അവസാനിപ്പിക്കാനുള്ള തീരുമാനം ഒരാളുടേത് മാത്രമാണ്. അതിലൂടെ കുടുംബത്തിന് ഗുണമില്ല.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

വളരെ വേദനാജനകമായ ഈ അവസ്ഥയില്‍, പരസ്യമായി ഇതേക്കുറിച്ച് അഭിപ്രായം പറയുന്നതില്‍ നിന്ന് വിട്ടുനില്‍ക്കാന്‍ ഞാനാഗ്രഹിക്കുന്നു. പക്ഷേ, എന്നെ കുറ്റപ്പെടുത്തി, എന്റെ പെരുമാറ്റത്തെ അപകീര്‍ത്തിപ്പെടുത്തുന്ന പരസ്യമായ പരോക്ഷമായ ആക്രമണങ്ങളെ ഞാന്‍ വളരെ പ്രയാസത്തോടെ അഭിമുഖീകരിക്കേണ്ടതുണ്ട്. ഒരു അമ്മയെന്ന നിലയില്‍, എന്റെ കുട്ടികളുടെ ക്ഷേമവും ഭാവിയുമാണ് എപ്പോഴും എന്റെ പ്രഥമ പരിഗണന. അടിസ്ഥാനരഹിതമായ ഈ ആരോപണങ്ങള്‍ എന്റെ മക്കളെ വേദനിപ്പിക്കാന്‍ അനുവദിക്കില്ല. ഈ നുണകളെ നിഷേധിക്കേണ്ടത് എന്റെ പ്രാഥമികമായ കടമയാണ്. നിഷേധിക്കാത്ത നുണകള്‍ ഒടുവില്‍ സത്യമായി വിശ്വസിക്കപ്പെടും എന്നതുതന്നെയാണിതിന് കാരണം. ഈ ദുഷ്‌കരമായ സമയത്ത് എന്റെ കുട്ടികള്‍ക്കൊപ്പം നില്‍ക്കുകയും അവര്‍ക്ക് ആവശ്യമായ ധൈര്യവും ധൈര്യവും നല്‍കുകയും ചെയ്യേണ്ടത് എന്റെ പ്രാഥമിക കടമയാണ്.