സോഷ്യല്‍ മീഡിയയില്‍ ഏറെ ആക്റ്റീവാണ് അഭയ ഹിരണ്‍മയി. എന്നാല്‍ പലപ്പോഴും ഗായികയുടെ വ്യക്തി ജീവിതം രൂക്ഷ വിമര്‍ശനങ്ങള്‍ക്ക് ഇരയാകാറുണ്ട്. ഇപ്പോള്‍ വിമര്‍ശകര്‍ക്ക് മറുപടിയുമായി അഭയ രംഗത്തെത്തിയിരിക്കുകയാണ്. താന്‍ ഇപ്പോള്‍ കൂടുതല്‍ സന്തോഷവതിയാണെന്ന് പറയാന്‍ തന്റെ കഴിഞ്ഞകാലം നിങ്ങള്‍ കണ്ടിട്ടില്ല എന്നാണ് അഭയ കുറിച്ചത്. താന്‍ എന്നും സന്തോഷവതിയായിരുന്നു. എല്ലാവര്‍ക്കും പറ്റുന്ന തെറ്റുകള്‍ തനിക്കും പറ്റിയിട്ടുണ്ട്. അതില്‍ കുറ്റബോധമില്ലെന്നും അഭയ കുറിച്ചു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

അഭയയുടെ കുറിപ്പ് വായിക്കാം

ഞാന്‍ ഇപ്പോള്‍ വളരെ അധികം സന്തോഷവതിയാണ് എന്ന് ആളുകള്‍ പറയുന്നു. എന്റെ കഴിഞ്ഞ കാലം എങ്ങനെയെന്ന് നിങ്ങള്‍ കണ്ടിട്ടില്ല. എന്റെ അമ്മ പറയാറുണ്ട് എന്തൊക്കെ വന്നാലും ഇവള്‍ സന്തോഷവതിയായിരിക്കും എന്ന്. അതുപോലെ ഞാന്‍ എന്നും സന്തോഷവതിയായ കുട്ടിയായിരുന്നു. എനിക്ക് പ്രശ്‌നങ്ങളുണ്ടാകാറുണ്ട്. പക്ഷേ എന്റെ സന്തോഷം മറ്റുള്ളവരെ ആശ്രയിച്ചായിരുന്നില്ല. നിങ്ങള്‍ക്കെല്ലാം ഉണ്ടായതുപോലെ ഞാനും ജീവിതത്തിന്റെ പലസമയത്തും തെറ്റുകള്‍ ചെയ്തിട്ടുണ്ട്. പക്ഷേ എനിക്കതില്‍ കുറ്റബോധമില്ല. ജീവിതം എന്നെ എപ്പോഴും ഏറ്റവും വലിയ പാഠം പഠിപ്പിച്ചിട്ടുണ്ട്. തെറ്റുകള്‍ വരുത്തുക, അതില്‍ നിന്നു പഠിക്കുക, വീണ്ടും തെറ്റുകള്‍ വരുത്തുക. അതില്‍ നിന്നു വീണ്ടും പഠിക്കുക. അങ്ങനെയാണ് നമ്മള്‍ നമ്മുടെ ജീവിതം ജീവിക്കേണ്ടത്. നിങ്ങള്‍ ജീവിക്കാന്‍ ആഗ്രഹിക്കുന്ന നിമിഷത്തില്‍ ജീവിക്കുക