നടന്‍ ബാലയ്ക്കും ഭാര്യ കോകിലയ്ക്കും വീണ്ടും ലോട്ടറിയടിച്ചു. കഴിഞ്ഞ ദിവസവും ഇരുവര്‍ക്കും ലോട്ടറിയടിച്ചിരുന്നു. കാരുണ്യ ലോട്ടറിയാണ് കഴിഞ്ഞ ദിവസം അടിച്ചത്. 25000 രൂപയായിരുന്നു സമ്മാനത്തുക. ഇപ്പോഴിതാ വീണ്ടും താരദമ്പതിമാര്‍ക്ക് ലോട്ടറിയടിച്ചിരിക്കുകയാണ്. ഇത്തവണ അടിച്ചിരിക്കുന്നത് ഭാഗ്യതാര ലോട്ടറിയാണ്. കഴിഞ്ഞ ദിവസം 25000 ആണെങ്കില്‍ ഇത്തവണ ലഭിച്ചത് 100 രൂപയാണ്. അന്‍പത് രൂപയുടെ ടിക്കറ്റിനാണ് ലോട്ടറിയടിച്ചിരിക്കുന്നത്.

ബാല പങ്കിട്ട വീഡിയോ സോഷ്യല്‍ മീഡിയയില്‍ വൈറലാവുകയാണ്. നിരവധി പേരാണ് കമന്റുകളുമായി എത്തിയത്. താരത്തിന്റെ ഭാഗ്യത്തെക്കുറിച്ച് പുകഴ്ത്തി നിരവധി പേര്‍ എത്തുന്നുണ്ട്. എന്നാല്‍ ചിലരാകട്ടെ ചെറിയ തുക കിട്ടിയത് ആഘോഷിക്കുന്നതിനെ കളിയാക്കുകയും ചെയ്യുന്നുണ്ട്.

'എന്താ ജോഡി നിങ്ങള്‍. ചെരേണ്ടവര്‍ ചേരുമ്പോള്‍ ആകുന്നു കുടുംബജീവിതം. സന്തോഷമായി മുന്നോട്ടു പോകുക, എന്റെ പൊന്നു ചേട്ടാ നിങ്ങള്‍ ഇങ്ങനെ ലോട്ടറിയുടെ വീഡിയോ ചെയ്താല്‍ വീട് മുഴുവന്‍ കച്ചവടക്കാരെ കൊണ്ട് നിറയും, സമ്മാനം ചെറുതില്‍ നിന്നും വലുത്തിലേക്കു എത്തും ഒരുനാള്‍. സന്തോഷത്തില്‍ പങ്കുചേരുന്നു, താങ്കളുടെ കുടുംബവിശേഷങ്ങള്‍ മുഴുവന്‍ നാട്ടുകാരെ എന്തിന് അറിയിക്കണം' എന്നിങ്ങനെയാണ് ചിലരുടെ കമന്റുകള്‍.

കഴിഞ്ഞ ദിവസം ലോട്ടറിയടിച്ചപ്പോള്‍ ബാല പങ്കിട്ട വീഡിയോ വൈറലായിരുന്നു. സമ്മാനത്തുക കോകിലയ്ക്ക് നല്‍കിക്കൊണ്ട് ആര്‍ക്കെങ്കിലും നല്ലത് ചെയ്യുവെന്ന് ബാല പറയുന്നത് ചര്‍ച്ചയായി മാറുകയായിരുന്നു. ബാലയെ പോലെ തന്നെ സോഷ്യല്‍ മീഡിയയ്ക്ക് സുപരിചിതയാണ് ഭാര്യ കോകിലയും. ഇരുവരുടേയും യൂട്യൂബ് ചാനലിലെ വീഡിയോകളും ചര്‍ച്ചയായി മാറാറുണ്ട്.