കോളജ് സുഹൃത്തുക്കളോടൊപ്പം മമ്മൂക്ക എന്ന കാപ്ഷനോടെ പ്രചരിക്കുന്ന ചിത്രം ഇതിനോടകം ഏറെ വൈറലായിക്കഴിഞ്ഞു. കൂട്ടുകാർക്കൊപ്പം ഫോട്ടോയ്ക്ക് പോസ് ചെയ്യുന്ന താരത്തെയാണ് ചിത്രത്തിൻ കാണാനാവുക. എന്നാൽ ചിലരെങ്കിലും ഈ ഫോട്ടോ വ്യാജമാണെന്ന ചിന്തയിലാണ്. 
‌
കഴിഞ്ഞ ചൊവ്വാഴ്ച എറണാകുളത്തെ ആബാദ് പ്ലാസയിൽ ഒരുക്കിയ പരിപാടിയിലാണ് താരം പങ്കെടുത്തത്. വർഷങ്ങൾക്ക് മുൻപ് ഒപ്പം പഠിച്ച കൂട്ടുകാരെ കാണാൻ എത്തിയതാണ് മമ്മൂട്ടി. അമേരിക്കയിൽ നിന്ന്  വന്ന അഷ്‌റഫ്‌ ആണ് ഈ കൂട്ടായ്മ സംഘടിപ്പിച്ചത്. വൈകുന്നേരം 5.30 മുതൽ 7.30 വരെ രണ്ട് മണിക്കൂർ മമ്മുക്ക ഇവർക്കൊപ്പം ചിലവഴിച്ചു.

ഫോട്ടോയിലുള്ളവർ (വലത്തു നിന്ന്): എസ്. എ. മൻസൂർ, രാമമൂർത്തി, റോണി മാമ്മൻ, ബി. അബ്ദുൾ സലാം, എ.കെ. എം. അഷറഫ്  
റിയാസ് അഹമ്മദ്, ജോസഫ് ചാലി, പോൾ റോബ്സൺ, ക്ലമന്റ് വില്യംസ്, മമ്മൂട്ടി
ഇരിക്കുന്നവർ : ജാവീദ് ഹാഷിം, തിലക്, ഗോദാവരി, ബഞ്ചമിൻ പോൾ, ബാലചന്ദ്രൻ കണ്ണമ്പള്ളി, കെ. എച്ച്. എം. മൊയ്തീൻ.