നഗ്നഫോട്ടോഷൂട്ട് വിവാദത്തിൽ നടൻ രൺവീർ സിങ്ങിന് ചോദ്യം ചെയ്യലിന് ഹാജരാകാൻ നോട്ടീസ്. ഈ മാസം 22-ാം തിയതി ചെംമ്പൂർ പൊലീസ് സ്റ്റേഷനിൽ ഹാജരാകാനാണ് നിർദേശം. നടന്റെ വീട്ടിൽ പൊലീസ് നേരിട്ടെത്തിയെങ്കിലും താരം മുംബൈയിലില്ലെന്ന് അറിയിക്കുകയായിരുന്നു. മുംബൈ ആസ്ഥാനമായി പ്രവർത്തിക്കുന്ന ഒരു സന്നദ്ധസംഘടനയാണ് താരത്തിനെതിരെ പരാതി നൽകിയത്. 

രൺവീർ സിങിന്റെ നഗ്ന ഫോട്ടോഷൂട്ടും തുടർന്ന് താരം സോഷ്യൽ മീഡിയയിൽ ചിത്രങ്ങൾ പങ്കുവച്ചതും വലിയ വിവാദങ്ങൾക്കാണ് ഇടയാക്കിയത്.  ഒരു മാഗസിന് വേണ്ടിയായിരുന്നു ആരാധകരെയും ബോളിവുഡിനെയും ഞെട്ടിച്ചു കൊണ്ടുള്ള താരത്തിന്റെ ഫോട്ടോഷൂട്ട്. തുടർന്നാണ് താരത്തിനെതിരെ പരാതികൾ ഉയർന്നത്. സംഭവത്തിൽ പൊലീസ് കേസ് രജിസ്റ്റർ ചെയ്തിരുന്നു.  

ഈ വാര്‍ത്ത കൂടി വായിക്കൂ

അറുപതാം വയസ്സിൽ ടോം ക്രൂയിസും 70കാരൻ മമ്മൂക്കയും; പ്രായം തട്ടാത്ത ലുക്കിനെക്കുറിച്ച് സോഷ്യൽ മീഡിയയിൽ  

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ