ബോളിവുഡ് താരസുന്ദരി സുസ്മിത സെന്നിന് 47 വയസ്. പിറന്നാളിന്റെ സന്തോഷത്തിൽ താരം പങ്കുവച്ച പോസ്റ്റാണ് ഇപ്പോൾ ശ്രദ്ധ നേടുന്നത്.  47 വയസ് തികയാനായി ഏറെ പ്രതീക്ഷയോടെയാണ് കാത്തിരുന്നത് എന്നാണ് സുസ്മിത കുറിച്ചത്. 13 വർഷമായി ഈ നമ്പർ തന്നെ പിന്തുടരുന്നുണ്ടെന്നും സുസ്മിത വ്യക്തമാക്കി. 

അവസാനം 47, 13 വര്‍ഷമായി എന്നെ പിന്തുടരുന്ന ഒരു നമ്പര്‍. ഏറ്റവും മികച്ച തതവര്‍ഷം വരുകയാണ്. ഏറെ നാളായി എനിക്ക് ഇത് അറിയാം. അത് എത്തിയ വിവരം ഏറെ സന്തോഷത്തോടെ ഞാന്‍ അറിയിക്കുകയാണ്. ഐ ലവ് യു ഗയ്‌സ്.- സുസ്മിത കുറിച്ചു. താരങ്ങള്‍ ഉള്‍പ്പടെ നിരവധി പേരാണ് സുസ്മിതയ്ക്ക് പിറന്നാള്‍ ആശംസകള്‍ അറിയിച്ചിരിക്കുന്നത്.

സുസ്മിതയുടെ മകൾ റിനീയും പിറന്നാൾ ആശംസകളുമായി എത്തി. നീണ്ട പോസ്റ്റിൽ അമ്മയോടുള്ള സ്നേഹം നിറഞ്ഞുനിൽക്കുകയാണ്. സുസ്മിതയുടെ മകളാവാൻ കഴിഞ്ഞത് ദൈവത്തിന്റെ അനു​ഗ്രഹമാണ് എന്നാണ് റെനീ പറയുന്നത്. അമ്മ എവിടെയാണ് അവിടെയാണ് കുടുംബമെന്നും കുറിക്കുന്നു. ശക്തരും സ്വതന്ത്ര്യരുമായ സ്ത്രീകളായി തന്നെയും അലിഷയേയും വളർത്തിയെടുക്കുന്നതിനും റെനി നന്ദി പറയുന്നുണ്ട്. 

അതിനിടെ പിറന്നാൾ ആഘോഷമാക്കാനുള്ള തീരുമാനത്തിലാണ് സുസ്മിത. പിറന്നാൾ ആഘോഷത്തിനായി താരം വിദേശത്തേക്ക് പറന്നിരിക്കുകയാണ്. 

ഈ വാര്‍ത്ത കൂടി വായിക്കൂ

ആമിര്‍ ഖാന്റെ മകള്‍ ഇറ വിവാഹിതയാവുന്നു, നിശ്ചയം കഴിഞ്ഞു; ചിത്രങ്ങള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ