ചെന്നൈ; തമിഴ് ഹാസ്യതാരം വടിവേലുവിന് കോവിഡ് സ്ഥിരീകരിച്ചു. ലണ്ടനിൽ നിന്നു തിരിച്ചെത്തിയതിനു പിന്നാലെയാണ് കോവിഡ് സ്ഥിരീകരിച്ചത്. ഒമൈക്രോൺ ബാധിച്ചതായി സംശയമുണ്ടെന്ന് ആരോ​ഗ്യവകുപ്പ് അധികൃതർ വ്യക്തമാക്കി. 

പുതിയ സിനിമയുടെ ചിത്രീകരണത്തിനായി കുറച്ചു ദിവസങ്ങളായി ലണ്ടനിലായിരുന്നു വടിവേലു. ചെന്നൈയിലേക്ക് തിരിച്ചെത്തിയതിനു ശേഷം രോ​ഗലക്ഷണങ്ങൾ കണ്ടതോടെ നടത്തിയ പരിശോധനയിലാണ് കോവിഡ് സ്ഥിരീകരിച്ചത്. ഇപ്പോൾ ശ്രീരാമചന്ദ്ര ആശുപത്രിയിൽ പ്രവേശിപ്പിച്ചിരിക്കുകയാണ്. ലണ്ടനിൽ നിന്ന് ചെന്നൈയിലേക്കുള്ള യാത്രയിൽ സം​ഗീത സംവിധായകൻ സന്തോഷ് നാരായണനും വടിവേലുവിനൊപ്പമുണ്ടായിരുന്നു.