അവതാരകയും നടിയുമായ അശ്വതി ശ്രീകാന്തിന് പെൺകുഞ്ഞ്. രണ്ടാമതും താൻ അമ്മയായ സന്തോഷം സോഷ്യൽ മീഡിയ വഴി അശ്വതി തന്നെയാണ് പങ്കുവച്ചത്. 

”അവൾ എത്തി, അമ്മയ്ക്കും കുഞ്ഞിനും സുഖം…അച്ഛനും ചേച്ചി പെണ്ണിനും വല്യ സന്തോഷം,”മകളുടെ കൈപിടിച്ചിരിക്കുന്ന ചിത്രത്തിനൊപ്പം അശ്വതി കുറിച്ചതിങ്ങനെ. 

പത്മയെ ​ഗർഭിണിയായിരുന്ന സമയത്ത് ബാക്കിവച്ച പല മോഹങ്ങളും സഫലമാക്കിയാണ് അശ്വതി ​ഗർഭകാലം ആഘോഷിച്ചത്. ഫോട്ടോഷൂട്ടും വളകാപ്പും ബ്രൈഡൽ ഷവറുമൊക്കെ നടത്തി ആവേശത്തോടെയാണ് കുഞ്ഞിനായി കാത്തിരുന്നത്. അശ്വതിയുടെ യൂട്യൂബ് ചാനലായ ലൈഫ് അൺഎഡിറ്റഡിലൂടെ പുറത്തുവിട്ട വിഡിയോകൾ ഏറെ ശ്രദ്ധനേടുകയും ചെയ്തു.