മാർച്ച് 12നാണ് നടി ഭാമയുടെയും ഭർത്താവ് അരുണിന്റെയും ജീവിതത്തിലേക്ക് പുതിയ അതിഥി എത്തിയത്. മകളുടെ വിശേഷങ്ങളോ ചിത്രങ്ങളോ ഇതിവരെ സോഷ്യൽ മീഡിയയിൽ പങ്കുവയ്ക്കാതിരുന്ന നടി ആദ്യമായി കുഞ്ഞ് വന്നതിനു ശേഷമുള്ള ജീവിതത്തെ കുറിച്ച് എഴുതിയിരിക്കുകയാണ്. മകൾക്കായി ഒരുക്കിയ ഒരു അമൂല്യമായ സമ്മാനത്തെ കുറിച്ചുമുള്ള കുറിപ്പ് പങ്കുവയ്ക്കുകയാണ് ഭാമ.

“മകൾ വന്നതോടെ ഞങ്ങളുടെ ജീവിതം കൂടുതൽ പ്രകാശപൂരിതമായി. അവളെ ആദ്യമായി കൈകളിൽ എടുത്തപ്പോൾ എന്റെ ലോകം മുഴുവൻ മാറിപ്പോയതുപോലെയാണ് അനുഭവപ്പെട്ടത്. വളരുമ്പോൾ അവളെ കാണിക്കാനായി ഒരുപിടി അമൂല്യമായ ഓർമകൾ സൂക്ഷിച്ചുവയ്ക്കുകയാണ് ഞാൻ,” ഭാമ കുറിക്കുന്നു. മകളുടെ കുഞ്ഞി കൈകളുടെയും കാലുകളുടെയും മാതൃകകൾ ചെയ്തു സൂക്ഷിക്കുകയാണ് ഭാമ. അവൾ വലുതാക്കുമ്പോൾ ഇവ തൊട്ടാസ്വദിക്കാമല്ലോ എന്നാണ് ഭാമ പറയുന്നത്. 

മകൾ ജനിച്ച വിവരമോ കുഞ്ഞിന്റെ ചിത്രങ്ങളോ ഇതുവരെ ഭാമ ആരാധകരുമായി പങ്കുവച്ചിരുന്നില്ല. അതുകൊണ്ട് മകളുടെ ചിത്രം പങ്കുവയ്ക്കൂ എന്നാണ് പോസ്റ്റിന് കമന്റ് കുറിക്കുന്നവരിൽ ഏറെ പേരും ആവശ്യപ്പെടുന്നത്.