പന്ത്രണ്ടാം വയസിലെഴുതിയ കവിത ഇൻസ്റ്റാ​ഗ്രാമിലൂടെ പങ്കുവെച്ച് ബോളിവുഡ് നടി ദീപിക പദുക്കോൺ. കവിതാരചനയിൽ  ജീവിതത്തിലെ ആദ്യത്തേയും അവസാനത്തേയുമായ ശ്രമം എന്ന കുറിപ്പോടെയാണ് താരം ഇത് പങ്കുവച്ചത്. 

‌"ഏഴാം ക്ലാസിൽ പഠിക്കുമ്പോഴായിരുന്നു ഇത്. കവിതയിലെ ആദ്യത്തെ രണ്ട് വാക്കുകൾ മാത്രമേ തന്നിരുന്നുള്ളൂ. ബാക്കിയെല്ലാം ചരിത്രം" എന്നാണ് ദീപിക എഴുതിയിരിക്കുന്നത്. സ്നേഹവും കരുതലുമുള്ള കുട്ടിയാണ് ഞാൻ എന്നാണ് കവിതയുടെ ആദ്യത്തെയും അവസാനത്തെയും വരി. തിരമാലകളുടെ തിടുക്കം ഞാൻ കേൾക്കുന്നു, ആഴമേറിയ നീലക്കടൽ ഞാൻ കാണുന്നു, ദൈവത്തിന്റെ സ്നേഹമുള്ള കുട്ടിയാവാൻ ഞാനാ​ഗ്രഹിക്കുന്നു എന്നെല്ലാമാണ് ദീപിക കവിതയിൽ കുറിച്ചിരിക്കുന്നത്. മനോഹരമായ വരികൾ എന്ന് പറഞ്ഞ് ദീപികയുടെ കവിതയെ അഭിനന്ദിക്കുന്ന കമന്റുകളാണ് പോസ്റ്റിന് ലഭിച്ചുകൊണ്ടിരിക്കുന്നത്. 

പത്താൻ, വാർ, ദ ഇന്റേൺ എന്ന ചിത്രത്തിന്റെ ഹിന്ദി റീമേക്ക് എന്നിവയാണ് ദീപികയുടേതായി ഒരുങ്ങുന്ന സിനിമകൾ. 

ഈ വാർത്ത വായിക്കാം: ഗുരു സോമസുന്ദരം വീണ്ടും മലയാളത്തിൽ; 'ഹയ' ഒരുങ്ങുന്നു 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.
ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ