തെന്നിന്ത്യൻ നടി ഹൻസിക മോട്‌വാനി വിവാഹിതയാവുന്നു. ഈ വർഷം ഡിസംബറിൽ ജയ്‌പുരിൽ വെച്ചായിരിക്കും വിവാഹം. ജയ്‌പുരിലെ 450 വർഷം പഴക്കമുള്ള കൊട്ടാരമാണ് വിവാഹത്തിന് വേദിയാകുന്നത്. രാജകീയ വിവാഹമായിരിക്കും നടക്കുക. 

അതേസമയം വരന്റെ പേരോ മറ്റുവിവരങ്ങളോ പുറത്തുവിട്ടിട്ടില്ല. ഇതുസംബന്ധിച്ച താരത്തിന്റെ ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകർ. 

അല്ലു അർജുന്റെ നായികയായി തെലുങ്ക് ചിത്രം ദേശമുദുരുവിലൂടെയാണ് ഹൻസിക അഭിനയ രംഗത്തേക്ക് ചുവടുവെച്ചത്. പിന്നീട് ഹിന്ദി സിനിമകളിലും അഭിനയിച്ചു. ഹിമേഷ് രേഷാമിയ നായകനായ ആപ്ക സുരൂർ എന്ന ചിത്രത്തിലൂടെയാണ് ശ്രദ്ധനേടിയത്.  2008-ൽ കന്നഡയിലും നായികയായി അഭിനയിച്ച ഹൻസിക ഇപ്പോൾ തമിഴിലും തെലുങ്കിലും സജീവമാണ്. തമിഴ് ചിത്രം റൗഡി ബേബിയാണ് ഹൻസികയുടെ അടുത്ത പ്രോജക്റ്റ്.

ഈ വാര്‍ത്ത കൂടി വായിക്കൂ 

പോക്കിരിരാജയ്ക്ക് ശേഷം വീണ്ടും പൃഥ്വിയും വൈശാഖും; ഖലീഫ ഫസ്റ്റ്ലുക്ക്  

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ