ബോളിവുഡ് യുവതാരസുന്ദരി ജാൻവി കപൂറിന്റെ ഫാഷൻ പിന്തുടരുന്നവർ ഏറെയാണ്. ട്രെൻഡി സ്റ്റൈലിഷ് വേഷങ്ങൾ തിരഞെടുക്കുന്നതിലും പുതുമ നിലനിർത്തുന്നതിലും ജാൻവി ശ്രദ്ധിക്കാറുണ്ട്. ഇപ്പോഴിതാ പുതിയ ചിത്രമായ 'റൂഹി'യുടെ പ്രചാരണ പരിപാടിക്കെത്തിയപ്പോൾ താരം അണിഞ്ഞ വേഷമാണ് ഫാഷൻ പ്രേമികളുടെ മനം കവർന്നിരിക്കുന്നത്. 

നിയോൺ ​ഗ്രീൻ അസിമ്മട്രിക്ക് ഡ്രസ്സിലാണ് ജാൻവി പരിപാടിക്ക് എത്തിയത്. അലക്‌സ് പെറിയാണ് വസ്ത്രം ഡിസൈൻ ചെയ്തത്. സ്വീറ്റ്ഹാർട്ട് നെക്ക്ലൈനും പിന്നിലേക്ക് നീണ്ട് കിടക്കുന്ന സൈഡ് പ്ലീറ്റുമാണ് ഡ്രസ്സിന്റെ പ്രത്യേകത. ആഭരണങ്ങൾ ഒന്നും ധരിക്കാതെ ന്യൂഡ് മേക്കപ്പും കെയർലെസ് ഹെയർസ്റ്റൈലുമാണ് ജാൻവി തിരഞ്ഞെടുത്തത്. ഗിൽറ്റർ പതിച്ച ​ഗ്ലാസ് പോയിന്റഡ് ഹീൽസാണ് ഡ്രസ്സിനൊപ്പം അണിഞ്ഞിരിക്കുന്നത്. 

താരത്തിന്റെ ലുക്കിനെ പ്രശംസിച്ച് നിരവധി ആളുകൾ എത്തിയെങ്കിലും വസ്ത്രത്തിന്റെ വില കേട്ട് പലരും ഒന്ന് ഞെട്ടി.  രണ്ടേമുക്കാൽ ലക്ഷമാണ് ജാൻവി അണി‍ഞ്ഞ ഈ മിനി ഡ്രസ്സിന്റെ വില. ചിത്രങ്ങൾ ജാൻവി തന്റെ ഇൻസ്റ്റ​ഗ്രാം പേജിൽ പങ്കുവച്ചിട്ടുണ്ട്.