ഭർത്താവ് അശ്വിൻ ജോർജ്ജിനെ കണ്ടുമുട്ടിയിട്ട് ഒരു വർഷമായതിന്റെ സന്തോഷം പങ്കുവച്ചിരിക്കുകയാണ് മലയാളികളുടെ പ്രിയനടി മിയ ജോർജ്ജ്. ആശ്വിനെ കണ്ടതിന് ശേഷമുള്ള തന്റെ ജീവിതത്തിലെ ഈ ഒരു വർഷത്തെക്കുറിച്ച് വിവരിക്കാൻ വാക്കുകൾ തികയുന്നില്ലെന്നാണ് നടി കുറിച്ചിരിക്കുന്നത്. അശ്വിനുമൊത്തുള്ള ചിത്രം പങ്കുവച്ചാണ് ഒരു വർഷം പൂർത്തിയാക്കിയതിന്റെ സന്തോഷം നടി ആരാധകരുമായി പങ്കിട്ടത്. 

”കഴിഞ്ഞ വർഷം ഇതേ ദിവസമായിരുന്നു ഞങ്ങൾ ആദ്യമായി കണ്ടുമുട്ടിയത്. ഈ വർഷം എങ്ങനെയായിരുന്നുവെന്ന് വിവരിക്കാൻ എനിക്ക് വാക്കുകളില്ല. സന്തോഷകരമായ ഈ വർഷത്തിനും ഇത്രയും നല്ലൊരാളെ തന്നതിനും ദൈവത്തിന് നന്ദി,” മിയ ഇൻസ്റ്റഗ്രാമിൽ കുറിച്ചു. ഭാമയും ശിവദയും അടക്കമുളള താരങ്ങളും ആരാധകരും മിയയ്ക്കും അശ്വിനും ആശംസകൾ അറിയിച്ചിട്ടുണ്ട്.

ലോക്ക്ഡൗൺ കാലത്തായിരുന്നു നടി മിയയുടെയും അശ്വിന്റെയും വിവാഹം.