രാമ- രാവണ യുദ്ധം പ്രമേയമാക്കി പ്രഭാസും സെയ്ഫ് അലി ഖാനും പ്രധാന വേഷങ്ങളിലെത്തുന്ന ആദിപുരുഷിന്റെ ടീസർ പുറത്തുവിട്ടതിന് പിന്നാലെ വൻ വിമർശനമാണ് അണിയറപ്രവർത്തകർ നേരിടുന്നത്. 500 കോടി മുതൽമുടക്കുള്ള ചിത്രം കുട്ടികളുടെ കാർട്ടൂൺ ചാനലിന്റെ നിലവാരത്തിൽ പോലും എത്തിയില്ലെന്നാണ് ട്രോളുകൾ. രാമന്റെ മറ്റൊരു പേരായ രാഘവൻ എന്ന പേരിലാണ് പ്രഭാസ് എത്തുക. കൃതി സനൻ ജാനകിയേയും സെയ്ഫ് അലി ഖാൻ ലങ്കേശനേയും അവതരിപ്പിക്കുന്നു.

ഓം റാവത്ത് സംവിധാനം ചെയ്യുന്ന ചിത്രത്തിന്റെ ടീസർ നിരാശപ്പെടുത്തിയെന്ന പ്രതികരണങ്ങൾക്ക് പിന്നാലെ സിനിമയുമായി ബന്ധപ്പെട്ട് പ്രചരിച്ച വാർത്തയിൽ വിശദീകരണം നൽകിയിരിക്കുകയാണ് പ്രമുഖ വിഎഫ്എക്സ് കമ്പനിയായ എൻവൈ വിഎഫ്എക്സ് വാല. ആദിപുരുഷിന്റെ വിഎഫ്എക്സ് ചെയ്തത് തങ്ങൾ അല്ലെന്നാണ് കമ്പനി അറിയിച്ചിരിക്കുന്നത്. ചില മാധ്യമങ്ങൾ വിഷയത്തിൽ പ്രതികരണം തേടിയതുകൊണ്ടാണ് ഇക്കാര്യം അറിയിക്കുന്നതെന്ന് കമ്പനി പറഞ്ഞു. നടൻ അജയ് ദേവ്​ഗണിന്റെ ഉടമസ്ഥതയിലുള്ള വിഎഫ്എക്സ് കമ്പനിയാണിത്. 

ഈ വാര്‍ത്ത കൂടി വായിക്കൂ 

'500 കോടിയുടെ കാർട്ടൂൺ പടം'; പ്രഭാസിന്റെ ആദിപുരുഷ് ടീസറിന് രൂക്ഷ വിമർശനം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ