സോഷ്യൽ മീഡിയയിലൂടെ രസകരമായ വിഡിയോകളും ചിത്രങ്ങളും പങ്കുവച്ച് ആരാധകരുടെ കയ്യടി നേടാറുള്ള നടനാണ് അജു വർഗീസ്. ഇപ്പോൾ സോഷ്യൽ മീഡിയയിൽ ഹിറ്റാവുന്നത് അജു പങ്കുവച്ച വിഡിയോ ആണ്. മൃഗശാലയിൽ നിന്നു സിംഹത്തിനൊപ്പമുള്ളതാണ് വിഡിയോ.
ചില്ലുകൂട്ടിൽ കിടക്കുന്ന സിംഹത്തോടെ കുശലം ചോദിക്കുന്ന അജുവിനെയാണ് വിഡിയോയിൽ കാണുന്നത്. അജുവിനെ കണ്ടതും അടുത്തേക്ക് വന്ന സിംഹം കണ്ണാടിക്കടുത്ത് തന്നെ കിടക്കുന്നതും വീഡിയോയിൽ കാണാം. 'നീ പൊന്നപ്പനല്ലടാ തങ്കപ്പനാ.. തങ്കപ്പൻ!' എന്ന അടിക്കുറിപ്പിലാണ് വിഡിയോ പങ്കുവച്ചിരിക്കുന്നത്. മാന്നാര് മത്തായി സ്പീകിങ്ങി'ൽ ജനാർദ്ദനന്റെ ഹിറ്റ് ഡയലോഗും വിഡിയോയിൽ കേൾക്കാം.
എന്തായാലും സോഷ്യൽ മീഡിയയിൽ ഹിറ്റാകുകയാണ് വിഡിയോ. ഗ്ലാസ് ഇല്ലായിരുന്നെങ്കിൽ എന്റെ ശിവനെ എന്നായിരുന്നു ഒരാളുടെ കമന്റ്. രണ്ട് സിംഹങ്ങൾ എന്നാണ് മറ്റൊരാൾ കമന്റ് ചെയ്തത്. ഇവനെ കിട്ടിയിരുന്നെങ്കിൽ ഒരു മാസം റസ്റ്റ് എടുക്കാമായിരുന്നു എന്നാണ് സിംഹം ഇപ്പോൾ ചിന്തിക്കുന്നതെന്നും ഒരാൾ കമന്റ് ചെയ്തു. നിവിന് പോളി കേന്ദ്രകഥാപാത്രത്തെ അവതരിപ്പിക്കുന്ന 'സാറ്റര്ഡേ നൈറ്റ്' എന്ന ചിത്രമാണ് അജുവിന്റേതായി റിലീസിനൊരുങ്ങുന്നത്. റോഷന് ആന്ഡ്രൂസ് ആണ് സംവിധായകന്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates