മുംബൈ: ബോളിവുഡ് നടന്‍ അക്ഷയ്കുമാറിന്റെ അമ്മ അരുണ ഭാട്ടിയ അന്തരിച്ചു. അക്ഷയ്കുമാര്‍ തന്നെയാണ് വിവരം സാമൂഹ്യ മാധ്യമത്തിലൂടെ പങ്കുവച്ചത്.

ഹിരചന്ദാനി ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയില്‍ ആയിരുന്നു അരുണ ഭാട്ടിയ. മരണ കാരണം വ്യക്തമല്ല.

അമ്മ ആശുപത്രിയില്‍ ആണെന്ന വിവരം നേരത്തെ അക്ഷയ് കുമാര്‍ അറിയിച്ചിരുന്നു. അമ്മയുടെ ആരോഗ്യത്തിനു വേണ്ടി പ്രാര്‍ഥിച്ച എല്ലാവര്‍ക്കും നന്ദി അറയിച്ച് ഇന്നലെ വൈകിട്ട് താരം ട്വീറ്റ് ചെയ്തിരുന്നു. 

സിന്‍ഡ്രല്ലയുടെ ഷൂട്ടിനായി യുകെയില്‍ ആയിരുന്ന അക്ഷയ് കുമാര്‍ അമ്മ ആശുപത്രിയില്‍ ആയതിനെത്തുടര്‍ന്നാണ് നാട്ടിലേക്കു തിരിച്ചെത്തിയത്.