പുഷ്പ 2വിലൂടെ ഇന്ത്യന് സിനിമാ ലോകത്തെ ഞെട്ടിക്കാനുള്ള തയ്യാറെടുപ്പിലാണ് അല്ലു അര്ജുന്. പുഷ്പയിലെ അഭിനയത്തിന് താരത്തെ തേടി ദേശിയ പുരസ്കാരം എത്തിയിരുന്നു. ഇപ്പോള് ദേശിയ പുരസ്കാര നേട്ടത്തെക്കുറിച്ച് തുറന്നു പറഞ്ഞിരിക്കുകയാണ് താരം. ഒറ്റ തെലുങ്ക് താരത്തിന് ദേശിയ പുരസ്കാരം കിട്ടിയിട്ടില്ല എന്നത് തന്നെ വേദനിപ്പിച്ചു എന്നാണ് അല്ലു അര്ജുന് പറയുന്നത്.
തെലുങ്ക് സൂപ്പര്താരം നന്ദമൂരി ബാലകൃഷ്ണയുടെ ഷോ ആയ അണ്സ്റ്റോപ്പബിള് അതിഥിയായി എത്തിയതായിരുന്നു താരം. നാഷണല് അവാര്ഡ് നേടിയവരുടെ പട്ടിക ഞാന് എടുത്ത് നോക്കി, അപ്പോള് അതില് ഒരു തെലുഗ് നടന്റെ പേര് പോലും കണ്ടില്ല. അത് എനിക്ക് വിഷമമായി, ഞാന് അതില് ഒരു വട്ടം വരച്ചു, അന്ന് തീരുമാനിച്ചതാണ് ഞാന് ഇത് വാങ്ങുമെന്ന്.- അല്ലു അര്ജുന് പറഞ്ഞു. അവാര്ഡ് തെലുങ്ക് സിനിമയ്ക്ക് സമര്പ്പിക്കുകയാണെന്നും താരം വ്യക്തമാക്കി.
സുകുമാര് സംവിധാനം ചെയ്ത ചിത്രത്തില് പുഷ്പ രാജ് എന്ന കഥാപാത്രത്തെയാണ് അല്ലു അര്ജുന് അവതരിപ്പിച്ചത്. രശ്മിത മന്ദാന നായികയായി എത്തിയ ചിത്രത്തില് ഫഹദ് ഫാസില് ആണ് വില്ലന് കഥാപാത്രത്തെ അവതരിപ്പിച്ചത്. ഡിസംബര് അഞ്ചിന് ചിത്രം തിയറ്ററിലെത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates